Video
Read full review
2024-11-05
0 views
係太子花墟行完街, 同朋友決定係附近食個lunch. 👅朋友好鐘意食泰國野, search到呢間, 見到佢既金麵同生蝦超吸引, 就決定試下!!🌻泰式清湯-慢煮水門雞湯粉個雞冇骨 仲要好嫩滑 加埋個泰式海南雞飯醬 唔錯泰式清湯係用左大量豬骨同雞架淆製 口味偏甜 加少少魚露同埋醋 隻溏心蛋仲要好出色🤤🌻泰北安格斯牛肋條金麵泰北金麵本身醬汁已經充滿住濃濃奶香 香港黎講 咁香濃嘅金麵真係好少有配上已經好入味嘅安格斯牛肋條 唔單止口感豐富 味道仲好濃郁🌻小食拼盤拼盤包含咗魚餅 蝦餅 泰式腸 炸豬皮 同 炸雞件我本身都勁鍾意食蝦 所以有時食到粉味多過蝦味嘅蝦餅都會覺得失望 幸好呢度嘅蝦餅未至於大大舊 但相反地蝦味濃厚 同佢嘅外表成強烈反差 值得一試魚餅味道上有少少似但口感完全唔同 至於炸雞件我認為屬於出色 主要都係外脆內juicy 基本上好似日式炸雞口感 完全擺脫泰式好多小食偏向炸後較乾身嘅缺點最後炸豬皮方面 脆得來乾身唔油膩 怪不得見到佢係其他麵都會配上🌻泰式生蝦每次食泰國野我都一定會叫泰式生蝦呢度既生蝦都相當唔錯生蝦一上枱擺盤好有心思 每一隻都已經配好左一款蒜片 辣椒同
朋友好鐘意食泰國野, search到呢間, 見到佢既金麵同生蝦超吸引, 就決定試下!!
🌻泰式清湯-慢煮水門雞湯粉
個雞冇骨 仲要好嫩滑 加埋個泰式海南雞飯醬 唔錯
泰式清湯係用左大量豬骨同雞架淆製 口味偏甜 加少少魚露同埋醋
隻溏心蛋仲要好出色🤤
🌻泰北安格斯牛肋條金麵
泰北金麵本身醬汁已經充滿住濃濃奶香 香港黎講 咁香濃嘅金麵真係好少有
配上已經好入味嘅安格斯牛肋條 唔單止口感豐富 味道仲好濃郁
🌻小食拼盤
拼盤包含咗魚餅 蝦餅 泰式腸 炸豬皮 同 炸雞件
我本身都勁鍾意食蝦 所以有時食到粉味多過蝦味嘅蝦餅都會覺得失望 幸好呢度嘅蝦餅未至於大大舊 但相反地蝦味濃厚 同佢嘅外表成強烈反差 值得一試
魚餅味道上有少少似但口感完全唔同
至於炸雞件我認為屬於出色 主要都係外脆內juicy 基本上好似日式炸雞口感 完全擺脫泰式好多小食偏向炸後較乾身嘅缺點
最後炸豬皮方面 脆得來乾身唔油膩 怪不得見到佢係其他麵都會配上
🌻泰式生蝦
每次食泰國野我都一定會叫泰式生蝦
呢度既生蝦都相當唔錯
生蝦一上枱擺盤好有心思 每一隻都已經配好左一款蒜片 辣椒同埋苦瓜
加埋佢特別調製既醬汁 真係非常有層次感
生蝦本身好出色 新鮮又彈牙 想encore再嗌多碟俾自己自私食
🌻檸檬草南薑飲
呢杯薑飲唔算超重薑味 唔會好辣
甜甜地咁 平時唔太食得薑味既可以一試 我位朋友平時唔鐘意薑味都覺得好好飲 仲飲哂成杯
🌻洛神花茶
呢杯洛神花茶唔會好甜 酸酸地 幾好飲!
Post
