Video
Read full review
2022-10-27
843 views
通常一講潮州菜第一時間都會諗到「打冷」，不過大多數都係舊式裝修又比較嘈雜，但今次黎到呢間餐廳打破左平時嘅諗法，餐廳裝修得好古色古香，原來佢係三級歷史建築改建而成，仲保留左某部分古老嘅建築特色。1️⃣ 鵝三寶 $298食潮州菜當然要叫返個滷水拼盤，而呢度嘅鵝三寶有鵝肉、鵝腸同鵝肝，鵝腸新鮮爽脆，帶有少量肥膏，鵝肉已起骨，肉質細軟，最正係個鵝肝，滑嫩甘香又厚身，唔似西式鵝肝會有油膩感，仲有幾舊滷水豆腐墊底，吸哂啲滷水汁，個汁唔會太鹹仲帶啲甜味😋2️⃣ 潮州紅燒魚翅 $438湯底味道非常濃郁，食得岀有瑤柱同金華火腿，質感稠身，魚翅份量好多，可以用筷子夾起，真係真材實料， 店員仲推介配醋及芫荽一齊食，會有另一番風味。3️⃣ 魚露浸花甲 $198潮州菜都好多海鮮類，今次就揀左花甲，上碟就已經去左半殼，好方便食用，每隻花甲都好大隻又肥美，啖啖肉仲無沙，魚露同蒜片更帶岀花甲本身原有嘅鮮味。4️⃣ 老藥桔 ($20）唔好睇佢黑蚊蚊其貌不揚咁，佢其實係潮汕特色飲品，仲好有益，有潤肺、化痰止咳等功效，味道鹹鹹地又甜甜地，呢排天氣乾燥，飲返杯仲可以滋潤喉嚨。5️⃣ 反沙芋頭 $58最後叫返經典潮州甜品，絕對係一個手工菜，砂糖結
1️⃣ 鵝三寶 $298
食潮州菜當然要叫返個滷水拼盤，而呢度嘅鵝三寶有鵝肉、鵝腸同鵝肝，鵝腸新鮮爽脆，帶有少量肥膏，鵝肉已起骨，肉質細軟，最正係個鵝肝，滑嫩甘香又厚身，唔似西式鵝肝會有油膩感，仲有幾舊滷水豆腐墊底，吸哂啲滷水汁，個汁唔會太鹹仲帶啲甜味😋
鵝三寶
$298
43 views
0 likes
0 comments
2️⃣ 潮州紅燒魚翅 $438
湯底味道非常濃郁，食得岀有瑤柱同金華火腿，質感稠身，魚翅份量好多，可以用筷子夾起，真係真材實料， 店員仲推介配醋及芫荽一齊食，會有另一番風味。
潮州紅燒魚翅
$438
45 views
0 likes
0 comments
3️⃣ 魚露浸花甲 $198
潮州菜都好多海鮮類，今次就揀左花甲，上碟就已經去左半殼，好方便食用，每隻花甲都好大隻又肥美，啖啖肉仲無沙，魚露同蒜片更帶岀花甲本身原有嘅鮮味。
魚露浸花甲
$198
34 views
0 likes
0 comments
4️⃣ 老藥桔 ($20）
唔好睇佢黑蚊蚊其貌不揚咁，佢其實係潮汕特色飲品，仲好有益，有潤肺、化痰止咳等功效，味道鹹鹹地又甜甜地，呢排天氣乾燥，飲返杯仲可以滋潤喉嚨。
5️⃣ 反沙芋頭 $58
最後叫返經典潮州甜品，絕對係一個手工菜，砂糖結成粉狀，變成一層白霜完美咁包住啲芋頭，而芋頭嘅軟糯加上脆卜卜嘅砂糖外殼，外脆內軟，入口仲係熱辣辣，為呢餐飯畫上完美嘅句號。
總的來說，環境古典優雅，樓底好高，坐得好舒服，而食物都有一定嘅水準，店員亦都勤快有禮，值得一試。
#foodie_couple_hk_sm816
Post
