太安樓牛雜

Open Now

Now Closed

太安樓牛雜都好多人排隊，就買嚟試下。牛雜有大，中，細份，$60，$50，$40，價錢都唔平，$40都食到正餐飯麵😂所以單獨叫唔同部位試下，每份$9，都定要叫三份先賣。醬汁有幾款選擇，有芥辣，辣椒油，甜醬，辣醬。🍴三份牛雜 (牛肚，牛筯，蝴蝶腩) 加辣油 $27份量都足，叫咗多腩汁。腩汁味道咸咸哋，但冇乜滷水味，亦都唔濃。牛肚冇異味，好軟淋，牛筯都係好淋，有彈性，膠質會痴住個口，好正。蝴蝶腩好驚喜，有肉有筯，似淋咗嘅牛腩，好好食！加埋辣油，好香，但都幾辣，唔係好食得辣加少少好啦！推薦指數: 7.5/10整體嚟講好唔錯，唯獨個滷水唔夠香濃，炆得淋身，辣油香辣好加分，令牛雜提升到另一層次！