太極 (Closed)

尋日同友人唱完 tea k，就決定到附近的太極食小籠包，一行四人點了太極小籠包、三鮮蒸餃、鎮江肴肉、醉雞、上海炒年榚及羊肉搶湯麵，獅子信用卡有九折，埋單$318這裡的裝修頗古式古香，位處大廈四樓，相信主要做寫字樓午市生意，假日晚市只得三數臺客先評太極小籠包及三鮮蒸餃，外表頗為精緻內裡亦有一定水準，小籠包皮薄有湯汁，三鮮蒸餃餡料豐富，比市面上的拉麵小籠包店有過之而無不及之感。小食方面(醉雞及肴肉)其實都幾好，只係份量偏細，不太適合一大伙人去試。上海炒年榚炒得比較淋，材料比較清淡，尚可。羊肉搶湯麵反而係今餐飯最驚喜發現，無論湯底及拉麵，都合乎我預期的水準，唯羊肉羶味不足，如可改善羊肉質素 (最簡單就係向和興行入貨)，絕對係值得一食再食的京式湯拉麵 (拉麵不是市面上的蘭州拉麵，未算太彈牙但有口感)食物品質上雖仍有可以改善的地方，但在云云拉麵小籠包店中，是值得介紹的!