太極 (Closed)

琴日同幾個同事去試新野, 上 openrice 見到呢間『太極』食評唔錯, 一於試試!! 去到大概 1 點 3 左右啦~咦!? 舖位好大, 50% 入坐率啦...人唔多, 仲有好多位, 唔使等位...正!! 一坐低就急不及待揀野食先 見到都有好多選擇, 1 人餐都有喎~我地一行 7 人, 點算......(叮!!)...有個 6 人餐, 似乎可以選擇既款式都唔錯, 一於就要個 6 人餐啦 前菜：花鵰醉雞 / 雞絲粉皮 湯：太極羹 主菜：干炒四季豆 主菜：鐵板羊肉 主菜：糖醋魚塊 主菜：咸肉津白 主菜：鱔糊 甜品(送)：香蕉高力豆沙好緊張耶, 唔知好唔好食呢, 滿心期待中.... 黎啦黎啦, 先上枱既係 2 個前菜 (花鵰醉雞 / 雞絲粉皮)... 花鵰醉雞 << 雞唔夠滑, 花鵰應該可以更濃更香, 不過都唔錯! 雞絲粉皮 << 普通質數, 唔太好亦唔太差, 粉皮質感同口感都唔錯!跟煮上枱既係湯 (太極羹)... 太極羹 << 好靚呀!! 真係唔捨得食, 哈哈... 食落呢, 味道唔錯, 口感一流, 用料好足, 值得推介!!緊隨既係主菜

jan 06, 10,友人建議嚟間食上海lunch,叫咗 : 1) 友人set (hk$42)i) 津白鮮肉水餃-皮中厚,餡都多,都比較偏腍咗少少-ok ii) 4川擔擔麵-麵質唔算腍-而且個湯偏比重花生味,幾香,最後先出到辣微-食唔得辣嘅我,就對胃 iii) 甜品-今日喺杞子桂花糕-2個小立方-桂花味不濃,幸好膠性不重,質感正常又唔會過腍-可以啦 2) 太極精選1人餐 (hk$48) i) 雞茸粟米羮-呢個望落都知喺漿粉水-我同友人飲晒1小碗叫做試過就得喇-味道唔會好豐富因為料都唔會多,咁亦証明佢"師傅"唔會多 ii) 糖醋魚柳-魚柳有點厚度,亦比我想像中juicy,只喺外邊只喺炸成小挺啫-最好喺個醬無泛濫,都叫掛醬,甜酸適中,用嚟送飯最啱-用的喺椰果-合格有餘 iii) 白飯 * 店內環境都幾中式

This Shanghai place has never motivated me to go there, especially on the top floor, after trying Rockschool, I finally made an effort to try this place.I was served by a waitor who used to work at "five stars" down the road, if he had not been there, I probably would have had a negative impression of this place.Firstly it was very chaotic, and everything seemed rushed.He gave us complimentary soft drinks, as well as the tea which is compulsory provided, he made sure we were well served.Ordered

不會去第二次。琴日去食lunch, 三個人, 點左一個二人餐, 一個一人餐.落單後20分鐘, 我叫伙記催促野食, 佢check完竟然問返我落左咩餐 -_-我地叫左波羅咕嚕肉, 我見個伙記捧住碟波羅咕嚕肉響店裡面行左幾個圈, 我問佢碟野係咪我地抬架? 佢又check一輪單, 另一個伙記呀姐又話係另一抬, 但係後原來碟野係我地架囉!浪費時間, 同埋碟波羅咕嚕肉都凍左好多啦! 而全程亦無道歉.食物質素亦唔掂, 個賽塝蟹, d 蛋白可以係一舊舊既, 冇誠意冇心機煮就唔好煮啦喂叫三個白飯, 黎得一個, 要我催佢先再比埋果兩個飯.d 筷子"痴立立", 用茶抹完都係咁, 非常唔舒服.見到疑似老闆娘同埋一個肥肥地既男人, 服務態度係好, 有笑容同埋有速度既, 但係其他伙記就好似係第二個世界黎咁, 呆滯, 做野慢, 做錯都唔緊要但係衰冇禮貌唔道歉

試食野~同事就帶左我黎呢間~本身上到去無位~我聽到d姐姐講話有排等(當然佢唔係同我講啦)個時已經想走點知個時靚女姐姐出現叫我地去坐留座個檯~(又話個檯比人BOOK左既)????不過有大檯坐就當然好啦~拿拿聲叫野食~佢有個88蚊既2人餐~我地10個人~叫左4個2人餐 另外叫左3-4個菜好似~佢地有個餐前小食~濆青瓜~幾好食呀!現場好大~不過人手太少~大家都好忙亂我地其實食都無咩問題~都幾好食~衰就衰在一個女侍應到了~由於我地仲有一個北京炒拉面好耐都未到~不停催單又無黎~正打算唔要叫人CUT左既時候個男侍應話~呢個係SET 既食物~唔可以CUT嫁WOR~唔CUT得FINE~我地就再等下跟住就係男一個上菜的拿左個上海粗炒比我地~我地話我地係叫北京炒拉面唔係上海粗炒WOR( 我地已經食左一個另外叫既上海粗炒喇)佢答我地係呀~無曬北京炒拉面啦~只係有上海粗炒~我地為左快D走~唸住出聱叫佢放低既時候個位厲害的女侍應就出現了佢一黎到就問~咩事~我地話我地係叫北京炒拉面唔係上海粗炒之後佢望左望個面~同我地講~呢個係炒拉面啦~係呀!唔信你地試下!WOWWWWWWWWWWW!!!!!!!!!!!!!!!!

今日阿M同另外三位同事黎哩度慶祝一番既，佢地之前都食過架喇，見佢地講ｄ野食都唔錯，當然我又黎試一試．１．雞絲粉皮：花生醬好濃郁，唔錯既涼伴之一．２．小籠包：皮簿餡靚，都唔錯．３．上海粗炒：一向唔太好，或者人地既鋪頭整得油ｄ，佢又炒得幾乾身下．４．咕嚕肉：整得唔錯，唔太酸，ｄ肉唔會un口，幾好．５．乾扁四季豆：我發覺哩味餸，永遠要炒到油淋淋咁．６．高旭豆沙：我本人不太好，見同事食到津津有味．奇怪在點解係點黃糖，健康ｄ喎．７．酒釀丸子：熱騰騰，冬天食最好．味道適中，桂花味，酸味，酒味都恰到好處，其一既原因係太潔tart tart，好似打左個”芡汁”咁．

去太極食晚飯前，已即時上open rice睇睇評語，發覺好壞參半。再到香港討論區望下，劣評如潮。心想，大鑊（唔係我話事去，因為有人係熟客）由於一早已訂，並且預訂兩個菜色，分別係片皮鴨及金華火腿，所以不想去還需去。準時晚上19:30一行八人前後腳到達，發覺環境寧靜，只得幾張有客，心中更加諗好食就大把人啦！點解會咁少客？點住點菜：冷盤：鎮江肴肉，鬆化，味道岩岩好。（值得推介）清炒蝦仁：論味道，岩岩好，但只係蝦稍稍細隻左小小（都可以推介）松子桂魚：個汁及味調校非常好，起肉及炸亦及水準（值得推介）賽螃蟹：一般水準，不提也罷。金華火腿：絕對係水準之上，砌功見功夫之外，火腿之好味係我近年所食到火腿中最好，唔食係一個損失（高度推介）（要預訂）片皮鴨：簡直係失敗之作，唔知點形容好，如果你食過泰豐及鹿鳴春既片皮鴨，就真係唔 好 係度食，我驚你會學我咁，想反面！（唔怪得要預訂，因為冇人食）小籠飽：皮簿，多汁，水準幾好，但一定唔係最好，可能我要求高（可以推介）拔絲香蕉：炸得幾好，唔太甜（可以推介）酒釀丸子：呢個真係要睇個人感受，唔飲酒既朋友，會覺得酒味濃，我就真係唔覺係一回事，或者咁講我覺得幾好，

雖然一早book定，但去到都要等一陣啦~ 但服務好好，d waiters係會主動不斷幫你加水同serve你，感覺好好~食左十四樣野，印象中冇乜野係特別難食既。冷盤好refreshing, 味道亦非常好！(推薦: 花雕醉雞(香滑+好有酒味wor) &海蜇頭& 拍青瓜) 但同意之前有人話個花生小食非常難食....太極羹 -- 又滑又香，亦唔覺太肥膩，抵讚！糖醋魚塊 -- 成枱人都一致覺好味！唔會太甜or酸，剛剛好，值得推薦！炒飯(有魚同火腿) -- 唔好食，唔乾身同幾salty。成碟都冇食到三成~~元蹄 -- 個汁甜左d, 幾heavy同太大碟呀~~奶油津白 -- 好食，'菜有菜味'咁lor, 個sauce亦超滑同對味。蝦仁 -- 一般咁啦，冇乜特別。小籠包 -- 都係咁啦~ 唔覺得好特別，可能同我地已經食到好飽先上有關。^o^三鮮蒸餃 -- worst of the day, very very dry, almost tasteless...高力香蕉豆沙 -- 不錯！但本人不太喜歡desserts, so....有人話唔夠甜，但我覺得剛剛好！P.S.: 如果有賣埋coke light

前後食左3次,係時侯寫食評分享下先講好食:小籠包,又係招牌菜,依個對板呀,皮簿又多湯汁,挾果陣唔會穿~好味 雲吞雞,個湯好味,雲吞皮薄又索哂d味,只係略嫌d雞唔夠滑豆沙鍋餅,特登第2round叫~上果時熱辣辣,紅豆蓉分量適中,味道又冇太甜不過不失:三鮮蒸餃,冇咩特別同驚喜...狗不理,我唔知本身個包係未要咁,入面d肉鞋的..一d都唔juicy鎮江肴肉,我唔係咁鍾意凍冰冰食肉,不過我d fd話ok北京炒拉麵,味道ok,不過太水了,乾身的話會好食d高力香蕉豆沙,其實不錯,用左黃糖,不過我覺得都係唔夠甜拔絲香蕉&蘋果,拔絲效果不錯~脆卜卜,不過d水果稍微變酸,香蕉好食過蘋果,蘋果太硬了唔推介:羊肉搶湯麵,該店招菜之一....但d湯好咸,我朋友話落左好多味精,食完之後好口渴,d羊肉有d"鞋"同冇咩羊味...(我就岩哂,我唔鍾意d蘇味)賽螃蟹: 依味餸我expect好滑...結果d蛋白整到一舊舊,一d都唔滑,好失望...奶煮津白,好普通,完全唔知點樣奶煮...好似淥菜咁....最不滿係果埋花生小食居然都另外收錢~非常難食又冇得唔要.....

來午飯已經是第三次了，每次也是聽到同事說這間不錯，於是決定再給機會，可惜，跟所謂美食專家的同事口味有點出入，只能說句，各人口味不同吧！先來賽螃蟹，好吃的賽螃蟹，該是蛋白很滑的吧，這個卻＂鞋＂，感覺有點馬虎。然後上桌的口水雞，直把我們一行四人嚇呆，問遞上的侍應這是甚麼菜式來，她也答不出，總覺得這裡的侍應好像在夢遊，或者聽不到廣東話，每次來，每次對話，也得把說話重覆再重覆。說回口水雞，既然不知是甚麼，唯有用筷子翻翻來看，才證實是甚麼菜式來，可能是自己見識少吧，每次到川菜館吃的口水雞也不是這樣，是麻辣油蓋著雞件，還有大量蒜泥，可是這個卻只有一大堆像豆瓣醬的濃濃醬料，然後還有大量花生粒，吃一件，大打折扣，只吃到醬的味道，沒麻沒辣，吃一件便決定放棄。鎮江肴肉是我常吃的一道菜，這間卻是首次點選，結果同告失望，肴肉沒味道，甚至咬不開，咬開了卻在咀裡咀嚼不開，好失望，真的好失望！這是我最愛吃的菜嘛，怎會這樣？上海粗炒，是這頓午飯吃得最多的一道菜，麵煙韌，味道不錯，略嫌多油及咸了點。高力豆沙香蕉，可能又是我的見識淺，還以為是用沙糖的，但這裡卻用豆腐花常用的黃糖，效果不太妙，而且，香蕉竟然有酸味。總括而言

- 樟茶鴨幾好食, 通常d 餐廳會整到d肉好乾, 但係呢度d 肉仲好 juice ! - 冷盤 五小碟. 同一般上海鋪差不多, 冇話特別好唔好食. 不過特別在綠色果d 唔知小棠菜定係咩菜既菜頭, 我d 朋友話好好食, 我自己就冇食到.- 太極小籠包, 好得!! 夠熱, 皮夠薄可以睇到裡面d 湯 !! 聽個fd 講好似師傅係之前黃埔間鼎泰豐過來.- 京燒羊肉, 個皮仲脆脆地 ~ 好味- 太極羹, 個賣相幾靚, 不過個人對羹冇咩太特別喜愛.- 糟溜魚片 冇食到 冇comment- 蜜汁火肪, 好好食 !! 自己對火腿冇咩太特別喜好, 但係呢個蜜汁火腿加埋中式麵包一齊食真係好正!! 仲要係蓮子都咁好味, 雖然要百幾蚊一碟, 但係都值得食!!- 最後食埋個上海粗炒, 可能豉油多左d 偏 甜左 d今次一行十幾人既 舊同學gathering 都幾滿足, 佢地唔知做緊咩優惠送左支餐酒俾我地 ! 我地就一路傾傾傾到成十一點先走.p.s. 不過雖然好食. 唔知係咪location 關係 夜晚唔係太多客, 不過就因為咁可以坐得舒服d , 又可以多個飯堂~

到「下場」前想搵間上樓店舒舒服服食個飯, 0黎試試呢間京川滬餐廳. 一個人食唔得咁多, 結果只要了個「太極推介」的羊肉搶湯麵 ($46), 加個桂花酒釀丸子 ($18).先0黎羊肉搶湯麵, 未食已聞到好香羊味, 大喜! 湯底濃濃的, 羊味十足, 味道鮮, 不錯; 薄片羊肉較0鞋身, 不過算幾腍, 肉味濃, 幾好食; 麵條係上海粗麵, 硬身有咬口, 浸幾耐都唔會腍晒, 加埋一絲絲好爽口的津白, 口感味道都十分唔錯. 幾有水準的一個羊肉搶湯麵, 值得試試.桂花酒釀丸子用「盅頭」上, 賣相不錯, 但食味就認真唔掂 -- 丸子腍腍的, 完全唔 Q, 桂花香一般, 糖水杰身, 味道好甜, 但又愈食愈酸澀, 實在難吃, 食了 1/4 決定唔食!環境舒服, 裝修帶點優雅 feel, 坐0係窗邊望住地面車水馬龍, 完全兩個世界; 招呼 ok, 店員們幾有禮貌.原本諗住 $75 以下可以落樓, 卻埋單先知原來要收 $10 茶錢 + $10 前菜的, 又由於 d 茶係普通0野 + 前菜超級無誠意, 非常唔 gur. 食物雖然唔差, 但俾0個 extra $20 同 dum 落鹹水海係無分別的, 無

這天一行五人來午飯，訂了檯。點了雞絲粉皮 - very good小籠包(6隻) - 皮薄多湯又不易破北京炒拉麵 - 很好，比同店的上海粗炒做得出色花素餃(6隻) - 味道正常，不過我不喜歡它的皮，太厚蒸銀絲卷 - 正常咕嚕肉 - 粉太厚，很大碟上海炒年糕 - 不油膩食物和環境仍是不錯。不過這次吃飯期間，待應落錯單或是把我們的枱號與另一枱混淆了，送上的食物有一半不是我們的，甚為煩擾。而且人手甚為缺乏。看來服務有待改善。

2008年4月12日下午12:30 同沙牛男友, 沙牛男友個妹, 沙牛男友個妹個女, 一行4人試下呢間先. 待應反應慢,又唔熟悉店鋪出品,傻更更…一去到, 個著到好似知客姐姐唔理我地, 但係有一個做水吧o既男仔問我地幾位. 再問一d餐牌裡面餸菜資料, 知客姐姐好似第一日返工, 物都要問廚房.食咗:1) 雞絲拌粉皮 $38 – 都唔錯!2) 泡菜 $8 – 前菜, 屈我地比3) 糟溜魚塊 $78 – 普通!4) 小籠包6粒 $32 – 同翡翠差好遠, 人地好好多!5) 津白鮮肉水餃 6粒 $28 – 普通! 好似屋企自己煮即食果d o羅!6) 雞肉煨麵 $38 – 勁差! 雞肉 … 找唔到 …7) 上海炒年榚 $48 – 普通總計 279總括一句, 唔太好又唔太差, 但係無下次果隻o羅!

尋日同友人唱完 tea k，就決定到附近的太極食小籠包，一行四人點了太極小籠包、三鮮蒸餃、鎮江肴肉、醉雞、上海炒年榚及羊肉搶湯麵，獅子信用卡有九折，埋單$318這裡的裝修頗古式古香，位處大廈四樓，相信主要做寫字樓午市生意，假日晚市只得三數臺客先評太極小籠包及三鮮蒸餃，外表頗為精緻內裡亦有一定水準，小籠包皮薄有湯汁，三鮮蒸餃餡料豐富，比市面上的拉麵小籠包店有過之而無不及之感。小食方面(醉雞及肴肉)其實都幾好，只係份量偏細，不太適合一大伙人去試。上海炒年榚炒得比較淋，材料比較清淡，尚可。羊肉搶湯麵反而係今餐飯最驚喜發現，無論湯底及拉麵，都合乎我預期的水準，唯羊肉羶味不足，如可改善羊肉質素 (最簡單就係向和興行入貨)，絕對係值得一食再食的京式湯拉麵 (拉麵不是市面上的蘭州拉麵，未算太彈牙但有口感)食物品質上雖仍有可以改善的地方，但在云云拉麵小籠包店中，是值得介紹的!