Video
Read full review
2015-01-13
521 views
這家由日本而來既太陽蕃茄拉麵於去年10月左右開業，位置在新都城二期較偏既位置(戲院樓上嗰層)，剛開始看其賣相，好有fusion既感覺... 以為是以做西式意粉既方法來煮拉麵，對fusion冇好感既夫妻我倆冇諗過嚟試。是晚原意吃Shabu Shabu，但有感旅行回來後遲遲未調整飲食份量﹐食梗中藥既老公又正戒牛，所以便提議老公不如嚟試下啦！嚟到食店門口，店內除店員外了無一人，我們駐足店外先翻閱餐牌，店員好熱情有禮介紹並邀請我們入內，橫豎諗唔到其他(冇咁heavy既)選擇，我們便入去了！食店地方不算很大，大概坐40多人左右，裝潢以簡約木系為主，顯得地方寬敞，座位與座位之間距離尚可。翻開餐牌，可選擇既食物唔多，各式蕃茄湯底拉麵為招牌，另有雞骨湯及豚骨湯既拉麵三兩款，飯類如鰻魚飯﹑野菌飯又係三兩款，小吃款式大路，選擇也不多，如煎餃子﹑唐揚炸雞塊﹑芝士年糕﹑日本南瓜薯餅等，較特別既有柚子燒比目魚，甜品方面，我只記得有抹茶布丁及抹茶大福，未點餐前我是想兩樣都吃的，店員話可以之後才加，所以我地先落主食，老公知我想影招牌芝士拉麵($75)既相，所以揀了這個(其實佢較愛普通豬骨湯的)，而我因為唔食蕃茄，又
嚟到食店門口，店內除店員外了無一人，我們駐足店外先翻閱餐牌，店員好熱情有禮介紹並邀請我們入內，橫豎諗唔到其他(冇咁heavy既)選擇，我們便入去了！食店地方不算很大，大概坐40多人左右，裝潢以簡約木系為主，顯得地方寬敞，座位與座位之間距離尚可。翻開餐牌，可選擇既食物唔多，各式蕃茄湯底拉麵為招牌，另有雞骨湯及豚骨湯既拉麵三兩款，飯類如鰻魚飯﹑野菌飯又係三兩款，小吃款式大路，選擇也不多，如煎餃子﹑唐揚炸雞塊﹑芝士年糕﹑日本南瓜薯餅等，較特別既有柚子燒比目魚，甜品方面，我只記得有抹茶布丁及抹茶大福，未點餐前我是想兩樣都吃的，店員話可以之後才加，所以我地先落主食，老公知我想影招牌芝士拉麵($75)既相，所以揀了這個(其實佢較愛普通豬骨湯的)，而我因為唔食蕃茄，又愛黑蒜，所以就點了黑蒜豚骨拉麵($75)，再加一客炸雞($38)及燒比目魚($48)。
拉麵嚟得好快，太陽蕃茄芝士拉麵先來，火紅既湯底上面有一座芝士山，側邊有少少綠色小棠菜外露，色彩豐富，賣相不俗，這時我才發現太陽原來唔係指太陽蛋，而好似係蕃茄個名呢！每碗均有三隻蕃茄，所以湯裡有大量茄蓉。講回芝士拉麵，芝士粉像平時綠色樽身既芝士粉，加熱(湯/汁)後會變得杰身，芝士味濃，跟蕃茄湯及麵很夾，但麵反而同蕃茄湯融和唔到，猶幸這店大廚處理幼身麵做得不錯，麵身軟硬度適中，吃到尾段也不會過腍。而每碗蕃咖湯底既麵(除了蜆及野菜外)均附設雞肉，坊間少有，雖然口感層次增加了，但雞肉沒有調味，很淡，如果改為叉燒可能更佳。
黑蒜豚骨拉麵緊隨其後，除了紫菜，還有兩片叉燒﹑筍﹑溏心蛋﹑葱及芽菜(最後兩者已走)，先呷一口湯，唔算太濃，黑蒜油亦不算油膩，跟拉麵同吃整體不錯，叉燒是偏瘦，帶少少肥，做得尚算鬆化。麵既份量雖不多，但邊吃麵邊喝湯則剛剛好。
吃麵既時候兩款小吃也來了，炸雞塊色澤麻麻，唔夠金黃，但出奇地外脆肉嫩，肉汁豐盈，好驚喜！沾沙律醬同吃一流！反而燒比目魚調味過甜(可能所用既味醂偏甜吧)，魚亦沒有鮮味，可以不試！
由於已很飽，所以只點了抹茶大福這甜品，一客兩件，有擠花紅豆蓉伴碟，紅豆蓉很幼滑，偏甜，可中和抹茶既澀味。大福是雪凍的，內有抹茶忌廉，糯米外皮很煙韌，如果稍為多解凍一下，外軟內凍兼滑，這就完美了！
整體而言，用餐環境舒適，店員服務很好，超級有禮，食物質素雖未至於超班，但喺這商場內沒有吃拉麵既地方，又或者咁講，呢度冇質素較好既拉麵，雖然此店定價不平，但如想近近地吃拉麵，我覺得未嘗不可！
太陽蕃茄芝士拉麵
$75
43 views
1 likes
0 comments
黑蒜豚骨拉麵
$75
24 views
0 likes
0 comments
唐揚炸雞塊
$38
44 views
2 likes
0 comments
柚子燒比目魚
$48
26 views
1 likes
0 comments
抹茶大福
$22
42 views
7 likes
0 comments
Other Info. :
要加一
(The above review is the personal opinion of a user which does not represent OpenRice's point of view.)
Post
