BBQ Chicken Premium Chicken (Closed)

有親戚黎香港，話網上介紹呢間餐廳好食。我事先睇睇餐廳評分，知道麻麻地，不過既然親戚要求，就試試，不過冇下次餐廳地理位置絕佳，其實如果做得好，都唔難吸引顧客。芝士撈拉麵  （$85）！好！鹹！呀爸平時食飯都會落餐桌鹽，但連佢都覺得鹹，可想而知。拉麵質感還可以，但份量好少，表面有少少洋蔥及炸煙肉，不過d煙肉都好鹹。85蚊，其實幾貴。脆蝦花卷（$68）蝦肉不彈牙，而且有d鯹味。炸皮亦唔夠脆，賣相有點馬虎。三寶炸雞（$195）一個原味、一個秘製，一個秘製辣醬。雞肉炸皮炸得不錯，雞肉嫩滑。但個辣醬，係辣到食左一件，就食唔落第二件。我地都算食得辣，但都係覺得辣過頭。韓式炸雞配墨西哥粟米片，有d格格不入。秘製係少辣，而秘製辣醬係 超 級 辣，要唸清楚先好叫。因為太辣的關係，最後食唔哂。覺得餐廳食物質素同價錢完全唔成正比，每人食左差不多$175，其實可以有更好的選擇。