Video
Read full review
2010-02-24
25 views
0靚妹成日去西灣河搵食，之前都食過泰軒，都唔錯。係之前有一次食過個乾炒烏冬油左少少。咁啱今日娘親唔想食飯，我哋就去泰軒買左兩盒外賣炒粉麵做晚餐。一個係乾炒雞肉河，一個就係黑椒牛柳絲炒意粉。經過上次經驗之後，0靚妹仍然失策，落單嗰陣唔記得話少油，到十分鐘之後拎嗰陣先醒起。打開盒乾炒雞肉河嘅時候，娘親有啲驚訝。因為份量幾夠，絕對適合我哋呢啲大食之人。再睇真啲發現佢地用嘅係幼身嘅河粉（即係出面食魚蛋粉之類嗰啲幼河粉）。通常啲食肆炒親河粉都會用粗身嗰隻河粉，佢地用幼河粉，我幾欣賞，因為幼河粉係滑少少嘅。而啲雞肉份量都唔少，幾好！然後，打開埋盒黑椒牛柳絲炒意粉，份量同樣地都係幾夠。啲黑椒好香，坐左喺附近嘅淹占細佬都因為啲香味行過唻八下，仲整左啖食下。佢咁淹占都話好味，就真係唔錯！而個黑椒又唔會話太辣，但夠香，會好開胃。而啲牛肉就大塊啲，唔係牛柳”絲”，但味道OK嘅！兩個炒粉上色上得幾好，幾均勻。我幾欣賞佢哋會落少少蔬菜落去個粉度。乾炒雞肉河就有啲芥蘭苗、粟米仔同紅蘿蔔等，而黑椒牛柳絲炒意粉就有啲青椒、紅椒同紅蘿蔔等。本身個粉已經上色上得唔錯，再加埋啲蔬菜落去，賣相個吸引度增加唔少。有少少菜，食落
咁啱今日娘親唔想食飯，我哋就去泰軒買左兩盒外賣炒粉麵做晚餐。一個係乾炒雞肉河，一個就係黑椒牛柳絲炒意粉。經過上次經驗之後，0靚妹仍然失策，落單嗰陣唔記得話少油，到十分鐘之後拎嗰陣先醒起。
打開盒乾炒雞肉河嘅時候，娘親有啲驚訝。因為份量幾夠，絕對適合我哋呢啲大食之人。再睇真啲發現佢地用嘅係幼身嘅河粉（即係出面食魚蛋粉之類嗰啲幼河粉）。通常啲食肆炒親河粉都會用粗身嗰隻河粉，佢地用幼河粉，我幾欣賞，因為幼河粉係滑少少嘅。而啲雞肉份量都唔少，幾好！
然後，打開埋盒黑椒牛柳絲炒意粉，份量同樣地都係幾夠。啲黑椒好香，坐左喺附近嘅淹占細佬都因為啲香味行過唻八下，仲整左啖食下。佢咁淹占都話好味，就真係唔錯！而個黑椒又唔會話太辣，但夠香，會好開胃。而啲牛肉就大塊啲，唔係牛柳”絲”，但味道OK嘅！
兩個炒粉上色上得幾好，幾均勻。我幾欣賞佢哋會落少少蔬菜落去個粉度。乾炒雞肉河就有啲芥蘭苗、粟米仔同紅蘿蔔等，而黑椒牛柳絲炒意粉就有啲青椒、紅椒同紅蘿蔔等。本身個粉已經上色上得唔錯，再加埋啲蔬菜落去，賣相個吸引度增加唔少。有少少菜，食落唔會好膩。
另一樣我幾欣賞嘅就係佢地會落下蔥同洋蔥之類嘅野去釣下味，會香啲，又可以有啲野咬下。我覺得最重要係啲蔥同洋蔥之類嘅野可以幫到佢地落少啲其他調味料或者味精，唔會搞到啲野太鹹，食完都唔會覺得好口渴。
不得不提嘅係0靚妹怕呢兩盒嘢會多油嘅問題，最後結果係幾好，唔係多油。至少食完之後，個飯盒上面唔個仲有好多油留左喺度。
呢兩盒外賣係跟埋飲品，我哋揀咗熱檸茶。由於佢地唔係提供一包包嘅糖，係幫我地落埋，落單嗰陣呀姐仲會問我地要幾多糖。通常人地都係求其幫容落少少就算，唔會問，但佢哋又幾細心喎
兩盒味道幾好嘅外賣仲要連埋飲品都只係64大元，真係夫復何求？
Post