王家沙 (Closed)

好朋友生日,佢揀左王家沙食大閘蟹。其實真係唔知得唔得,又無做過research哪一家好吃,沽注一試。四個$228餐。另加碟蟹粉爬豆苗。跟出場次序。-蟹粉白玉盅,以為係冬瓜盅,原來係豆腐羹。莫講蟹味,連一D味道都無!!真係好想叫個廚師出黎解釋,但哥哥只叫侍應攞支鹽來,自己調味算數。-蟹粉拌上海麵,麵條黐埋一舊舊,滔一滔蟹粉試原味.....”瓊”了一朕薄膜,仲漿住既!?唔係卦!?好明顯,一早滔好一碗碗,暴露於空氣中一段時間,先至會咁嘔心。唔通唔食咩?唉....又係無黎味道,阿廚師係咪「健康」為上,實行低鹽政策!?-蟹粉小籠包,皮合格,肉餡味又唔夠濃,蟹味味道比前好少少,但都係偏淡。-蟹粉爬豆苗,那蟹粉味好過之前的獻羹好多!豆苖又嫩。又一次証明,散叫遠勝套餐的事實。(埋單才知承為$138,嚇親)-蟹粉生煎包,是最出色&驚喜之作。皮薄湯汁多,餡肉跟蟹粉亦很香!-大閘蟹(五兩)一隻,說道江蘇大閘蟹膏特別豐腴鮮味,只屬一般。-秘制薑茶,好夠薑,亦唔甜,非常好飲。-一小杯古月龍山花雕,只係暖暖,而且有怪味,難飲。-薑汁鴛鴦湯圓(芝麻&豆沙),呢個薑汁真係與前的薑茶,差天下之大別!黃糖水。湯圓皮死實實