Le Rêve (Closed)

平安夜同男朋友book咗呢間Le Reve，諗住難得節日試下fine dining，滿心期待日本法國fusion菜會係點。我地當晚book左8:00，見行到差唔多就大概7:50上去，一打開lift門個waitress就好大聲地講「係咪8:00個轉架？未到你落返去等啦」，我地同同lift嘅情侶都面矇矇地落返去下面企。到8:00正我地就再搭lift，呢個時候見到一大班情侶唔係好高興咗行出lift，相信係俾人催埋單趕落黎。去到食物部分講真味道唔算太差，賣相都幾好，但未去到話好impressive，冇乜邊道菜會好記得，以呢個價位黎講係未達標。不過佢地無論介紹定係上菜等等都好趕，好似去左茶記咁。今次覺得Le Reve認真麻麻，食物還好，主要係因為服務同用餐經驗扣咗唔少分，希望只係因為聖誕節所以先至變差。