Video
Read full review
2013-11-30
1259 views
有兩晚都唔係同老公一齊食飯，所以見今晚可以一齊就決定去旺角食好野。本來想食麵，但老公話既然去旺角不如試一直想食既寳寳雞煲啦！搭車時致電訂枱，老公話唔駛架，因為諗住冇乜人，但我見橫豎可訂，咁照打啦！好彩有做呢個動作，去到店員叫我地等等，我都唔記得左自己有打去訂枱，咁老公即同店員講番我地已訂枱，所以即刻入得，仲要坐門口既四人枱，唔錯！(門口那張感覺鬆動啲呢！) 一路食都開始有人等位或陸續翻枱，生意似乎幾好咁！坐低先點雞煲，我就想食麻辣雞煲，但知道老公唔太鐘意麻，所以讓佢揀左香辣雞煲，要左個細(即半隻雞)同少辣。等左大概20分鐘左右，雞煲嚟到了。香氣撲鼻，但望落去冇乜色水，汁有點多得滯，唔似平時食開既惹味雞煲(帶乾煎/啫啫煲仔菜feel嗰種)，煮滾了先吃雞件，果然唔夠調味，辣味是有，但又唔甜又唔夠鹽。食到咁上下我地點既火鍋料陸續嚟嘞！我地點左牛肉粒﹑黑豚肉﹑蝴蝶腩(豬肉)﹑豬雜拼盤﹑迷你生根﹑百花釀油條，仲有蔡瀾推介既馬尾粉絲。牛肉粒堅有牛味，正！黑豚肉樣雖靚但唔滑，嚡口！蝴蝶腩唔係度度有但坦白講，佢冇豬(臊)味又勁嚡，唔值得叫！百花釀油條味道OK，但若果佢既油條係即炸既話就冇得頂了！迷你生
坐低先點雞煲，我就想食麻辣雞煲，但知道老公唔太鐘意麻，所以讓佢揀左香辣雞煲，要左個細(即半隻雞)同少辣。等左大概20分鐘左右，雞煲嚟到了。香氣撲鼻，但望落去冇乜色水，汁有點多得滯，唔似平時食開既惹味雞煲(帶乾煎/啫啫煲仔菜feel嗰種)，煮滾了先吃雞件，果然唔夠調味，辣味是有，但又唔甜又唔夠鹽。食到咁上下我地點既火鍋料陸續嚟嘞！我地點左牛肉粒﹑黑豚肉﹑蝴蝶腩(豬肉)﹑豬雜拼盤﹑迷你生根﹑百花釀油條，仲有蔡瀾推介既馬尾粉絲。
牛肉粒堅有牛味，正！黑豚肉樣雖靚但唔滑，嚡口！蝴蝶腩唔係度度有但坦白講，佢冇豬(臊)味又勁嚡，唔值得叫！百花釀油條味道OK，但若果佢既油條係即炸既話就冇得頂了！迷你生根冇乜特別，豬雜一般火鍋店都有，不過多是散修修逐樣點，呢度竟然有拼盤真係啱哂啲多心又得一個人自隊既人，即我老公！至於蔡生推介的馬尾粉絲，確係彈牙，但味道又唔見特別，錯不在佢，係個湯堅淡啫！
總括嚟講，喺呢間有點大排檔feel既火鍋店吃淡味雞煲，價錢絕對唔經濟，其他火鍋料又唔算特別好味，兩個人埋單要4百大元，我諗以呢個筆直喺旺角我可以食得再好啲！這間，去一次便夠，唔試唔知佢唔得嘛!!!
Post
