Spasso Italian Bar & Restaurant

Open Now

Now Closed

又係閨蜜chill out 嘅日子，蜜友上網睇話呢間餐廳好似好浪漫好舒服咁，於是大家同意之下就決定試下呢間餐廳啦。一入到餐廳感覺好熱冇冷氣咁，因為間店有一邊係露天茶座嘅緣故，根本冷氣已經係走曬出外， 呢一樣嘢都算數啦，跟住惡夢就開始喇，行去張枱度，個地下係黐立立、油淋淋咁好似冇抹地咁樣，我上網睇間餐廳係好高級㗎喎，價錢都唔係平㗎噃， 我哋突然間又唔知去邊度好，唯有繼續坐住先啦， 點知呢就愈坐愈熱，餐廳已經有好幾個流動性嘅冷氣機吹住，係冇作用，冷氣係走曬出去㗎，因為露天原故。我 哋一路食一路抹汗，連個妝都溶曬呀。食物方面呢還算ok嘅，叫咗個classic嘅pizza同埋一個黑松露意粉，但係真係冇辦法止再繼續食落去啦，熱得好辛苦，所以我哋快快食完就走啦 ，轉場去第二度再chill out 。