Video
Read full review
2023-08-05
560 views
昨天晚上與2個朋友，一行三個人來這間餐廳來吃晚飯。坐低咗10分鐘，都冇人來招呼，亦都冇一杯水飲，唔緊要，見到OpenRice嘅食評評價都唔錯，希望用食物去搭救返。我哋三個人叫咗個四人set，價錢嚟講又唔算貴，一個四人set都係五百幾蚊，以間餐廳嘅環境黎講，我覺得真係唔錯。我哋叫咗一個牛油果墨西哥卷餅，一個宮保雞意粉，一個闊條麵，一個Pizza，同埋一個雞沙律，計埋一個4人set 都係五百幾蚊，諗住好抵食。叫完冇耐，本應係前菜嘅墨西哥卷餅未來，但係suppose係主菜嘅宮保雞意粉就馬上來咗，可能我人比較挑剔，就叫咗侍應過嚟問一問，好好奇點解前菜都未上，就上意粉，點知侍應話一句廚房安排就了事。都唔緊要啦，我哋諗住慢慢坐，之後等到個墨西哥卷餅黎到，賣相都算吸引，唯獨口感爭少少，硬咗少少，但overall我哋都覺得呢個牛油果卷餅幾好食。本來我哋都好有期望，再去試嗰個意粉，本來一見到宮保雞意粉，覺得幾得意就去要來試吓，但係煮得真係一啲都唔好食，個芡汁打得太杰，而意粉上面嘅車好似用清水烚熟咁樣，加埋啲宮煲汁真係咸到不得了，同一個問題喺個闊條麵又再一次出現。另外衛生都爭啲，個沙律食食吓見到有隻蟲仔係
我哋三個人叫咗個四人set，價錢嚟講又唔算貴，一個四人set都係五百幾蚊，以間餐廳嘅環境黎講，我覺得真係唔錯。
我哋叫咗一個牛油果墨西哥卷餅，一個宮保雞意粉，一個闊條麵，一個Pizza，同埋一個雞沙律，計埋一個4人set 都係五百幾蚊，諗住好抵食。
叫完冇耐，本應係前菜嘅墨西哥卷餅未來，但係suppose係主菜嘅宮保雞意粉就馬上來咗，可能我人比較挑剔，就叫咗侍應過嚟問一問，好好奇點解前菜都未上，就上意粉，點知侍應話一句廚房安排就了事。都唔緊要啦，我哋諗住慢慢坐，之後等到個墨西哥卷餅黎到，賣相都算吸引，唯獨口感爭少少，硬咗少少，但overall我哋都覺得呢個牛油果卷餅幾好食。本來我哋都好有期望，再去試嗰個意粉，本來一見到宮保雞意粉，覺得幾得意就去要來試吓，但係煮得真係一啲都唔好食，個芡汁打得太杰，而意粉上面嘅車好似用清水烚熟咁樣，加埋啲宮煲汁真係咸到不得了，同一個問題喺個闊條麵又再一次出現。
另外衛生都爭啲，個沙律食食吓見到有隻蟲仔係入面…
到最後黎咗一個Pizza ，個Pizza簡直係難食，硬到咬唔到，而餐廳經理嘅解釋係呢一款Pizza係比較脆，如果係脆嘅話唔緊要，但係佢好似當我唔識嘢咁樣，我當場用手搣個Pizza俾佢睇，係硬到搣唔開，感覺就好似Pizza Hut叫外賣，但係擺咗幾個鐘頭先食嗰種口感，好失望。
但係最後個經理都換咗另一款Pizza俾我哋，呢一個就明顯係新鮮焗出嚟，口感爭好遠。所以個Pizza我最後都會比一個合格佢哋
未去食過嘅話，就咁睇個價錢嚟講算好抵食，但係食物質素真係唔好食…幾平都冇用
Post
