越不同 (Closed)

週末去黃金海岸食個branch，限聚令之前有黎幫襯過兩三次…無論越南嘢定係西式漢堡包，味道都係正常吖～今次真係非常失望喎…午餐set , 香茅豬扒撈濛，應該越南嘢最基本吧外表唔錯㗎…不過食落去豬扒柴皮兼無味，連香茅味都欠奉…用呢個咁淺嘅兜，再加埋佢只有一隻豉油碟咁多嘅魚露，真係好難撈得起黎食喎…另外叫咗一個蕃茄牛切片漢堡包set, 喂…中間嗰塊牛肉想點…完全係打邊爐都嫌佢薄同鞋口嘅牛，將兩片搭埋一齊…重要係好多油…我咬咗兩啖已經一大Pat油留咗出嚟…仲有啲油益味…跟住拎開塊包包紙，全個包皮都係油…見到都炆憎…真係食唔落去…唯一正常係薯條⋯雖然唔夠鹽，但係有薯條味嘅有懷疑佢換咗個廚，質素真係好差喎！三百幾蚊食呢餐真係有啲激氣…呢次都係最後一次。