八月茶室 (皇后山商場)

Open Now

Now Closed

一大班朋友行完山喺皇后山廣場搵嘢食，選擇唔多，見到呢間餐廳都算多人幫襯，就入去試吓，不過整體嚟講質素一般。我哋分別試咗川菜系列、星洲炒米、咖喱飯、肉燥雞扒飯。餐湯完全係味精湯，飲落去好鹹，飲完亦要不斷飲清水好口乾。川菜系列叫咗水煮魚，水煮魚住得比較油膩，食落去亦冇咩麻香味，魚嘅份量正常，唔算太多，亦有薯粉喺底，不過食完返到屋企覺得胃有啲唔舒服，應該係湯底太油膩。另外星洲炒米望落去色水唔錯，但係食落去完全冇味，朋友要加少少辣醬先食到，不過份量真係好多，價錢嚟講係抵食。咖喱飯嘅咖喱係甜味，完全冇辣味，咖喱顏色偏深黃色，飯嘅份量都係好多。肉燥雞扒飯比較好食，不過不失，肉燥味少少鹹，伴飯食都可以。