鮨岸

Open Now

Now Closed

食咗咁多次Omakase，第一次有咁差嘅經驗當日我哋book咗7pm，準時到達，叫咗「18道 - 櫻」HK$ 798，等咗10分鐘，前菜都未上，在場有2組客，包括我哋，而師傅得一個。個職員走嚟聲稱佢哋啲日本食材空運嚟，航班delay，啲食材啱啱先到要時間準備，要等多10分鐘先開始。其間只見師傅都係抹下刀，整理下bar枱啲碗碗碟碟。等到7:25pm都未開始😐見師傅問職員仲有幾耐，職員話好快，之後師傅畀咗啲枝豆話請我哋食…好啦，7:30pm 有第三組客到，師傅即刻開始🙄所有魚生食材都係bar枱下面雪櫃拎出嚟…明顯我哋等咗半個鐘唔係等「空運嘅食材」，係等「遲到嘅第三組客」。咁嘅價錢，咁嘅服務，一肚氣。我哋買完單走個陣過陣響門口問個職員，佢仲講大話係等食材，直至個師傅出嚟了解件事，先同我哋話唔好意思😒當我經驗不足，但我未試過食omakase要等半個鐘等麻隔離枱先開始囉😤食物方面，不過不失，份量偏少，識合女士，男士未必夠飽。食材算生鮮，魚生種類一般，欠缺時令魚生，而魚生調味方面唔算出色，炙燒魚生方面差少少，CP值低。而最敗筆係個魚湯，完全無魚嘅鮮味，好似飲緊腐皮水咁，寧願無呢道菜