Video
Read full review
2013-04-13
38 views
今早心血來潮想食豬柳漢堡，經過麥記見到唔算太多人便買個早餐，見自己排第二，正常來說只需等二分鐘左右，但等了五分鐘了，還是未準備好食物，所以便留意一下為何要等這麼耐，發現是廚房的人造唔切野食，要執野食的人等，這時還聽到有個經理級的女人對廚房的人說：「呢啲太濃啦，唔好要啦！」 我便望一望個廚房，見到啲包焗濃咗 ，心諗要再等多一陣，但出奇地等多二分鐘左右便整好。返到公司，先食個薯餅，好似有少少over cook，不過都可以接受，因為襯熱食，所以還很香脆。跟住食個豬柳漢堡，一打開即刻忍唔住「嘩！」咗一聲，個包係焗濃咗，濃到成個包既邊都黑咗之餘，連中間都黑黑哋，如果我係堂食，我一定會攞去換，但我又買咗外賣，無得換侷住食，惟有搣走濃嗰啲攞，但個包又焗到硬硬哋，所以搣走濃嗰啲同時都搣走唔少包，而且搣得唻個包都凍咗，搞到咩心情都無曬，食完個包都唔覺自已食咗野。本來想開開心心食個期待中的豬柳漢堡，結果卻令我對這間麥記扣唔少分。(如果我唔係係公司唔方便影相，我一定會拍低啲罪證，失敗！)
本來想開開心心食個期待中的豬柳漢堡，結果卻令我對這間麥記扣唔少分。
(如果我唔係係公司唔方便影相，我一定會拍低啲罪證，失敗！)
Other Info. :
大企業為求賺盡的結果：
1) 好明顯係人手唔夠，所以廚房做唔切，唔可以做好食物之餘，又做唔到快餐應有既效率。
2) 員工培訓不足。如果員工本身有足夠水準，見到啲食物over cook都會自動唔要，唔駛經理叫。但依家經理開到聲都唔理，其水準就更加底。
3) 流失客戶。雖然話百物騰貴下，唔可以對平價貨太高要求，但始終係食落肚既野，唔可以亳無底線，你要我等我可以忍，但畀啲唔食得既野我食，我重點會想再幫襯？
(The above review is the personal opinion of a user which does not represent OpenRice's point of view.)
Post