松藝館 (Closed)

我以為呢間餐廳係以松露為主題的高级餐廳，book 了同朋友慶祝生日。餐廳門口裝修看似很靚，點知入到去見到啲木枱膠櫈，同樓上樓下啲高級餐廳裝修差好遠，覺得有點不妥；坐低打開Menu, 叫了個松露Tasting 晚餐（set 裏有幾個item仲要加錢，有點伏）， 一心諗住試吓佢哋啲松露有幾香和法式食物嘅配搭和口味，點知原來係每碟西菜加幾片松露，前菜還可以，主菜味道好渣，係一般grilled/ fried 雞豬牛魚上加幾片松露，松露嘅味道一點也不突出。叫佢地係甜品上加個Happy birthday同名，佢哋話經OpenRice 訂位時冇講所以安排唔到； 我心諗：吓？我食過的高級餐廳裏聘用的廚師即晚用醬寫幾個字，唔係好難姐，咁都安排唔到？每人比成$1000一位㗎喎⋯⋯無言！