羅勇泰國粉麵 (Closed)

睇完個報導話呢間泰式粉麵唔錯，諗住今日唔使番工，就同個朋友黎試下。諗住間餐廳係尖沙咀厚福街，點都唔會太差，點知再一次證明好多雜誌報導都係名過於實。我地一點幾嚟到，都無乜客人。睇住個餐牌，諗住吓下呢度啲撚手小菜，揀咗　秘製滷水豬手飯、羅勇雜錦湯河，本來仲想揀埋　串燒牛肉　同　豬頸肉，點知話賣晒。嘩～！咁快賣晒，啲野一定係好好食啦，不過依家先下午，幾時先到夜晚……唔通唔使做晚市？喺無乜得選擇嘅情況之下，最後我哋加多咗個泰式生蝦。先講吓呢個羅勇雜錦湯河。色水幾靚，外貌都可以接受，不過湯就唔係好夠。食落去，竟然唔夠熱！算！唔夠熱都應該夠味啦，始終東南亞、泰國、印尼地區因為天氣熱，食材好難十分新鮮，所以食物都比較香、味道重同辣。個湯諗住都有番少少味，可惜呢個湯唔知點解係無味。係真係無味。配料方面，有札肉、魚蛋等等。份量唔多，體積唔大，食落去，相信去任何一間港式麵舖用料都好過佢。好啦，諗住試下豬手飯。滷水再加豬手，好難無味。驚嚇事件一不離二，飯唔夠熱、豬手無味、秘製滷水係無滷水味，淡得令人懷疑人生。豬手睇落好靚仔，好似好有油香，食落去，我覺得隻豬白白犧牲左。最後到泰式生蝦。生蝦最重要係夠新鮮度，其