丼丼屋 (綠楊坊) (Closed)

難得與my boy lunch 就由佢揀係荃灣綠楊坊嘅求其一間舖頭食飯，結果佢揀左丼丼屋，雖然我唔係我想食飯，但因為話俾佢揀，所以我都唯有硬去.............想話原來星期六嘅晏晝可以話係無乜人...............由於呢款嘅和牛櫻花蝦丼期間限定嘅關係，我諗都無諗就揀左佢嚟食，其實賣相都唔可以話係吸引，和牛得嗰幾片咁.... 講賣相真係吉野家四十幾蚊嘅牛丼都好過佢! 而佢係賣緊98 先講啲櫻花蝦，其實真係幾甜，但係我搵唔到佢完好嘅一隻可以影到俾大家，而且佢拉高唔到整個飯嘅評分。呢幾片和牛真係食到我想死..... 雖然九十幾蚊唔係一個貴嘅價錢，但都不至於食塊牛肉係用牙同筷子都撕唔開，結果係夾硬放哂成塊入口先比較容易啲食，唉...好失望!!!!!而且佢啲飯並唔係粒粒都珍珠米，雖然丼丼屋係美心，美心又係大集團，所以溝飯都無可避免，但係因為連啲和牛都咁嘅質素，令我更氣結。但my boy 嘅十勝豚肉燒完全無野，雖然係得4塊咁少，但係每一塊都係燒得好靚~ 而且好入味。我只能怪自己太鍾意試新野囉.........