將軍會館

Open Now

Now Closed

朋友話睇到呢間餐廳嘅食評唔錯， 咁我都係住喺同一區就去試下啦。 因為都見到佢好多食評好正面， 所以都係滿懷希望嘅， 對呢間餐廳有啲信心。 見佢有好多孖寶推介， 但係我哋冇揀孖寶。 揀咗一個薑蔥焗澳洲龍蝦， 斤半嘅龍蝦三百幾蚊， 另外嗌咗個瑤柱豆苗。 先係瑤柱豆苗嚟先， 百幾蚊嘅豆苗份量都多嘅。 我本身好鍾意食豆苗， 不過呢碟豆苗你話佢好食又唔係，好難食都未算， 個芡汁好濃好傑， 啲豆苗比較韌啲。 跟住龍蝦嚟喇， 個重點係啲龍蝦肉咬落去係腍嘅， 應該係唔新鮮。 個龍蝦係切開好多舊嘅， 有啲肉係爽口啲但係有啲肉係淋啲。 所以我哋懷疑個龍蝦未必係同一隻龍蝦炒埋一碟。 最後， 我同我個朋友覺得太難食， 食唔落去， 淨返三分之一左右。 好失望， 畀五百幾蚊吃不到有水準的東西。 食完呢個晚餐之後覺得好口渴， 飲咗好多水。 朋友夜晚仲有啲肚痛， 不過就唔知關唔關事。今次係我第一次寫食評。 可能因為太失望，所以忍唔住寫下。 本來之前睇到啲食評諗住去食阿拉斯加長腳蟹，哈哈， 好彩冇嗌到， 如果唔係，可能仲傷心。