樂飛葉山區餐廳 (Closed)

由佢開張到依家，大大話話跟女友講過無數次話嚟呢度試佢哋嘅山區法國菜，但齋噏都噏咗成年。今次無心插柳，約女友响旺角，正值午飯時間，心諗: "擇日不如撞日"，就決定嚟試...坐定定，眼望四方。裝修好有camp feel，地方相當寬敞，印象不俗...望望menu，set lunch一湯一main course都要收八十八蚊，响呢度嚟講算係高消費，唔怪得拍晒烏蠅la...再望吓個lite lunch menu，平均五六十蚊一碟，平D。竟然有cheese and chocolate fondue，好想試，但又覺lunch食呢D好似有D過份，於是叫個chicken breast with Mozzarella cheese。女友冇乜胃口，只叫個白汁沙甸魚配紅糙飯...先嚟個mushroom soup，好清，有濃濃蘑菇味，不俗..個雞胸就令人失望到極--- 靱到痺，切緊嘅時候以為切緊鞋底，食落口又以為食緊柴皮，完全扣晒分...真係食唔落，女友就將半份沙甸魚分俾我。味道普通...咁樣點令人有信心試食dinner ar?