八沢 (筲箕灣東大街)

Open Now

Now Closed

一直都好掛住佢既忌廉湯烏冬，好想再去食，所以就㨂左情人節再幫襯。好彩有book 位早黎，估唔到都幾多人等位。✨今日比上次叫多左好多野食♥️, 兩個人坐卡位啱啱好。打後見要兩pair 人 一齊坐，你眼望我眼咁真係陰公🐷✨巨峰果汁清酒（$38): 個樽好靚，巨峰味幾天然同突出，清酒味亦唔會好"哽", 幾好飲幾易入口，呢支我都想入貨xD✨黑松露忌廉海鮮烏冬（$92 ）：食咗一啖有啲失望，忌廉湯冇之前咁香，味道比較稀薄。不過啲烏冬就真係好滑，扁身得黎帶點煙韌。海鮮就係帆立貝一開二，都算鮮味，三文魚都好味，唔會過熟同太嚡口。✨鮮什菌松露芝士烏冬（$68): 個湯其實同忌廉湯幾相似，但呢個多左芝士既香味，而且湯底濃厚d,我覺得好味過忌廉湯。 溏心蛋都好香滑，呢個湯底今次反而有驚喜。✨龍蝦沙律（$50): 龍蝦肉好彈口同入味，包埋紫菜估唔到又幾好食。✨雞翼串燒（$30): 燒得唔會好乾，不過調味料好勁都幾咸。✨豬頸肉（$26): d 肉好細串，食果時勁難齒出黎，又係好咸。✨三文魚腩串（$37): 呢個最好食，外皮好香脆，三文魚燒得啱啱好。✨黑豚生蠔燒（$70): 上次食過好正念念不忘，今次要再叫。