奇趣燒鵝大王 (弼街)

Open Now

Now Closed

太子行街行到肚餓，想搵野食，見到一間新開張嘅燒鵝，稱自己係燒鵝大王，又有湯飲，咁就去試下啦…..可能新開張關係，啲阿姐唔太醒目，聽到有人話落漏單，我地落單叫下午茶，想要湯，阿姐話下午茶無，一句就完，直至我地話另外叫，佢話$18咁就ok。燒鵝叉燒瀨$43叉燒瘦過我個荷包，鞋過阿嬷塊面，睇都睇得出，完全唔掂，燒鵝比左個脾，滿心歡喜，但食落肉好散好少，完全無口感，更加係鞋又乾好似叉燒咁，既唔香又唔嫩，肉部分無皮，有皮果啲位個皮又好淋，個粉完全無味。$18個湯好稀，溝左好多水嘅湯，仲有味精味，可以唔飲。另一個燒鵝瀨$46，無雙拼但份量同雙拼嘅燒鵝差唔多，完全唔明。