Video
Read full review
2010-11-18
有人話依間好多人要掛隊，book咗位都要齊人先入得，問晒D friend幾點到就照打去book位。晚上我同幾個到先就通知侍應諗住博一博可以入去先，佢就話人未齊唔入得，要齊人，我就話5分鐘後到齊，佢就好似錄音機咁重覆講"人未齊唔入得"，漠視客人的要求，仲攪到我一個friend燥底，黑面。食完甜品，就坐多陣吹下水(未嗌過埋單)，點知應該係部長級嘅侍應從後"鼠"出，攞出收據要求我哋俾錢，我哋異口同聲就話未嗌埋單，佢只好行開，攪笑嘅係喺我哋後面用對講機罵另一個侍應攪錯D嘢，我哋完全聽晒，我估佢係見我哋食完就催我哋埋單走，做多枱客，點知出醜咗就卸膊等自己可以落臺！小插曲講完，講番食物，嗌咗7個，大致都係水準以上，彌補咗小插曲的不快！ 小籠包 - 一籠四粒，大細適中，咬開個頂，飲下裡面D湯，算多同味濃，但以依間的出名程度，塊皮就略嫌厚咗D，唔夠薄身，唔能夠透現裡面肉湯的情況！ 鮮肉鍋貼 - 出面食嘅鍋貼都唔會咁夠肉汁，所以我就唔太留神，但卻令我出醜。一碟四件，每件都好飽滿，放入口一咬，異常多嘅肉汁就噴出嚟，噴到枱中間的位置，再咬大力D有可能噴到對面個friend隻碗裡。個friend見到就醒目，邊
小插曲講完，講番食物，嗌咗7個，大致都係水準以上，彌補咗小插曲的不快！
小籠包 - 一籠四粒，大細適中，咬開個頂，飲下裡面D湯，算多同味濃，但以依間的出名程度，塊皮就略嫌厚咗D，唔夠薄身，唔能夠透現裡面肉湯的情況！
鮮肉鍋貼 - 出面食嘅鍋貼都唔會咁夠肉汁，所以我就唔太留神，但卻令我出醜。一碟四件，每件都好飽滿，放入口一咬，異常多嘅肉汁就噴出嚟，噴到枱中間的位置，再咬大力D有可能噴到對面個friend隻碗裡。個friend見到就醒目，邊咬邊索汁！
擔擔麵 - 一大碗可以分到四人每人三四啖。除了好香花生味，花生粒同蝦米粒的襯托外，還有一點點隱隱約約嘅麻辣味，唔重，並且帶點醒胃嘅作用。
手抄餅 - 實物與相片不符。相片精緻，實物就欠缺整理，賣相欠奉。食落就似蔥油餅同酥皮嘅混合體，少脆同淡口！
脆鱔 - 全晚至最！將鱔切到手指般的長度及粗幼，落鑊炸至脆身，最後落入帶有蜜糖味的汁快炒幾下上碟，每條都好脆身，蜜糖味適中，唔會過強，小食超過癮，只係嫌鱔味被蓋過。
錦鹵鍋巴 - 忘記了名字，超脆口嘅鍋巴，配上類似錦鹵雲吞嘅汁，酸酸甜甜，又有蝦同洋蔥粒，幾match。只係將鍋巴浸得太耐的話，鍋巴會發脹，唔再脆口，食得無咁開心。
香蕉高力豆沙 - 好重嘅豆沙配上一片嘅香蕉，晚餐的最好總結！砂糖係另上，並且係用幼粒砂糖，要幾多灑幾多。
唔係服務奇怪，笑臉就走一定有，可惜！
Post