翡翠拉麵小籠包 (Closed)

雞絲粉皮 $54好滑丫啲粉同多雞絲，一開頭都覺得幾好食，愈食愈漏因為好多麻醬😂😂上海小籠包 $36 間野幾難搵下要襯熱食，個小籠包基本上冇咩特色。本身佢有個芝士小籠包，但我唔記得咗叫😢😢

7點45分左右到，不用等位，被安排坐在卡位。小籠包，不太夠熱，個皮頂部有點厚，包內湯汁好豐富，肉也鮮嫩。手抓餅，麵粉香味不濃，入口有點乾及吾太鬆軟。擔擔麵少辣，份量不少，濃濃的湯又吾太鹹，麵條口感扎實。蘿白絲酥餅，夠熱，鬆化，內𥚃的蘿白絲軟軟的，好好味。京燒明蝦球，得6隻又吾太大隻， $122，有點貴，個汁好多同有點辣，送飯應該吾錯，可惜冇叫到白飯，蝦就好彈牙食得出好新鮮。埋單 $320，算ok 啦！

今晚，老公話要食上海野，所以收工同佢到九龍灣翡翠小籠包食。我地今次叫了醬燒牛展。因為見佢好特別，會用上夾北京填鴨的皮夾住黎食，所以特別叫了一客。牛展面塗上了很特別醬汁，食落似千島沙津醬口感，當夾埋包皮又有另一種食法，食落好似食漢堡包既味道好特別。此外，我地叫了招牌小龍包，不但皮薄料正，而且豬肉很有鮮味，加埋醋點來食，可以帶出豬肉的鮮味。最後，我地叫了上海粗炒，出面食過限多次，但這裡的上海粗炒不但唔多油，而且麵質很爽口，唔似外面食落很滯的感覺。總括來說，米之連推介當然正野，就算分店都保持到總店水準。

中午同事三人来到九龍灣的翡翠拉麵小籠包享用午餐。 雖然，是平日中午的繁忙時間 ，餐廳幾乎坐满, 但我們無需等候,並馬上給安排到餐廳内的卡位。   我們都覺得挺好彩。 餐廳内環境非常寬敞，座位舒適。  燈光柔和，中國古典的圓型窗戶，—排窗戶對着走廊。   行人可以看到裹面吃飯的情況, 非常開陽。 這不是我們第一次來這裡, 我們很快決定點什麼菜。上菜時間出乎意料的快, 這對我們這些上班族只有短短一小時來說, 算是Bonus。    生煎包除了外表和上海街頭的傳統的生煎包不同之外, 傳統上海生煎包是直身的, 上面洒上蔥花或黑芝麻。而這裏的味道面偏甜, 這也是南方包子的特點。除了餡大皮薄還可以接受, 還是比較喜歡正宗的上海生煎包。  上海炒年糕的味道也不正宗, 年糕偏硬, 有小棠菜和白菜 。這是改良的菜, 雖說味道不差, 但少了傳統味道的風味。 鮮茄蝦仁鍋巴有鮮茄的香味配上小蝦仁, 本來要求是鮮茄蝦仁汁淋在很熱的鍋包上, 只可惜鍋巴沒有很熱, 少了一種熱氣騰騰的感䁷, 我已在上菜時馬上吃, 只是當汁淋上去, 已不是很脆。   鮮茄的味道還是很足, 有開胃的效果。小籠包確沒有

12月24日同同事來了這裏食晏, 5個人點左好多嘢食呀. 當然有小籠包啦, 仲要兩籠添呀, 皮夠晒薄, 熱辣辣, 入面多湯, 夠JUICY, 好味.炒飯, 唔記得咩名, 都炒得好乾身, 好好味, 入面都有蛋, 火腿, 菜粒配料, 粒粒飯分明呀. 糖醋魚塊好好味, 雖然等耐左一點, 不過係熱辣辣, 好香的, 魚塊夠晒大件, 上面有些蔥粒, 個糖醋汁唔會好甜, 啱啱好, 魚肉係滑的, 好正.杏仁豆腐, 有菠蘿, 桃, 都幾香呀, 唔會好甜, 淡淡杏仁的味道. 豆腐切到都正常SIZE呀.豆沙鍋餅, 這個就麻麻地, 賣相已唔得呀, 豆沙走晒出嚟, 好肉酸呀, 唔夠熱同埋唔夠軟身. 有點硬呀.薑汁湯丸, 有兩粒湯丸的, 都好大粒呀, 入面係芝麻的, 個薑湯都好惹味.

星期日周圍都咁多人，見翡翠2位唔洗等，一入到去，正呀！有得坐搭建出來的加建座，就座落喺通道邊（正確黎講係坐喺走廊），食得咸魚抵得渴，ok我坐。全晚侍應們服務就真係幾ok，有求必應，加茶添水都好快手，落單追單都無托手踭。好，講吓食物先，呢晚食咗：醉豬手：冷盤，酒味幾濃郁，好在斬開細細件幾易食，豬皮幾爽口，筋位少韌，整體有咬口，但豬毛唔算去得好清。蘿蔔絲酥餅：上枱時有d失望，酥餅根本未夠火喉，外層竟然係白色？（應該金黃色噃師傅），咬一啖，係囉！入面d蘿蔔絲仲硬嘅，唉⋯青菜煨麵：有d驚喜，麵幾滑身，吸收咗高湯精華，入囗唔洗點𡁻，青菜亦淋中帶爽。上海小籠包：皮薄，啖啖肉汁，肉饀嫩滑，惟稍欠鲜味。乾煸四季豆：炒得幾乾身又唔算太油，肉碎入味，不過四季豆去豆筋去得唔清，要邊食邊撕走d豆筋，唉⋯（茶記食呢個餸都未試過要自己撕豆筋噃）。

見信用卡有優惠套餐想去試下，但覺得2人餐好似比較少款式餸菜，結果兩個人去叫咗個4人餐鎮江肴肉：一般水準，比較細件；雞絲粉皮：粉皮夠彈牙夠麻醬好味；椒鹽小黃魚：哩個餸唔錯，外面炸得鬆化，內裏肉質嫩滑，椒鹽咸味適中；紅燒獅子頭：味道濃淡適中，肉唔鞋口；火瞳片津白膽：清甜嘅菜加咸香火腿唔錯砂鍋鮑魚雲吞雞：湯夠清甜，唔自特出雜菌海鮮炒拉麵：因為明知食唔晒，打包第二日先食，麵身仍然爽口彈牙，海鮮包括海參但非常全部都好的式後記：整體而言食物味道質素中上，可能套餐幾味餸都唔算濃油赤醬，食落幾清新；四人餐計應該有4粒雲吞但鍋裏面得3粒，見兩個人食成個餐都幾飽所以冇追

一係唔食,一食開就想繼續食~小籠包今次來到本地薑翡翠小籠包, 環境感覺也不錯, 坐得亦舒適, 高板卡位令到客人更有私隱度! 呢度沒有限時用餐的規矩, 點餐就靠店員幫手落單, 價錢上好似比鼎X豐平少少, 味道上就要試過再比較喇。涼拌溫室小青瓜, 沒有辣與不辣的選擇, 但就算唔用辣去變惹味, 蒜香亦係另一番風味!青瓜爽口多汁,相當新鮮! 碗形上碟,令擺設更悅目!上海小籠包得4隻, 頓覺矜貴…SIZE明顯比鼎X豐大粒, 呢個小籠包個皮更加薄, 夾起都隨時怕穿底, 但只會擔心，卻唔會出現意外, 小籠包好多汁, 肉香嫩滑,好高超的技術呀!值得一讚!紅油牛肉麵,顏色上好紅好似好辣, 但其實係微微辣, 湯沒有熱煙飄出,初初仲以為唔係凍食吧? 好在湯仍是熱的,但唔太夠熱, 熱度只係比暖再熱少少,呢點要扣一扣分! 麵條均勻不腍, 軟硬度剛剛好,牛肉好有嚼感,肉味亦不錯,甜甜的。紅油抄手, 抄手大大粒粒, 餡料飽滿, 調味汁甜甜地辣辣地,加上蔥粒、莞茜更添美味!四川口水雞,呢個口水雞又要激讚! 雞肉嫩滑, 熟度剛剛好! 醬汁帶有少少麻又少少辣,好香!忍唔住要一食再食,但會愈食愈辣,相當刺激! 如覺太辣，可

早幾日同朋友聚會，佢話好想食小籠包，又未食過呢間，於是揀左呢間上海店。當晚大約7點左右，等左兩張飛就到我地，都算幾快。由於我地都好肚餓，所以都叫左5個餸食。。。(兩個女仔黎講真係算多)呢頭食完頭盤，即刻黎左籠小籠包，我地都冇諗過咁快上，因為都覺得會係比較後段先食~~呢碟"糖醋青衣柳，覺得個名幾得意，俾佢個名吸引左，好奇下試新野。。。但係呢個餸真係少食多滋味，因為真係好易會覺得"溜"話口未完。。。點知，呢個餸又係咁"溜"呢兩碟餸，佢一次過上哂，擺埋一齊食，真係冇諗過會"溜"得咁誇張。。。我地一路食，一路傾緊點解最簡單嘅菜，咁耐都未上到。。。食到中段，終於頂唔順，停左一陣，終於等到最重要嘅一刻。。。我地即刻食唔停，好快就將碟菜清左~~但之後又唔想蹝野食。。。無奈之下，我地唯有清埋剩低嘅其他餸。。。好彩有茶幫幫忙，食得冇咁辛苦。。。而整體佢上菜速度都幾快，快到我地都食唔切，搞到成張枱都係食物。。。味道都唔錯，但有啲真係濃味左少少囉~~埋單三百幾，五個餸，都算合理嘅。。。而且服務都唔錯。。。都值得再去嘅~~

久不久就想食小龍包的我，今天便到了專門店吃過夠！想不到，驚喜就發生了！［小龍包］預期之中，皮厚薄剛好，夾上不輕易破！熱拿拿的湯，肉汁美味之至！再加上醋，不溜而齒頰留香！［有驚喜之作］是那前菜！任擇3款！那雲耳微辣而又酸美美的！雲耳本身是無咩味，但配上那調製後的醬汁，簡直開胃至極！那凍肉，呈啫利狀，但卻剛剛好！吃一口凍肉加上海蜇，簡直是一間美味！必試！［雞撈麵］是友人想食清d，所以才叫它！但它的確有驚喜！可能本人比較喜歡食料多於麵，而它料份量十足！很夠味！很入味！總結，一間飯店如能一直保持水準，而又不時會給人有驚喜的，的確值得一試！

25/12/2014 Thursday聖誕節一家人到德福逛逛，然後來個早晚飯(6點鐘)，早D食唔洗等位位於德福廣場二期嘅翡翠拉麵小籠包，未到晚飯時間已經有唔少人入座/等候。店員提醒我地用餐時間75 分鐘，冇問題 ~香煎素鵝 $54素鵝表皮夠脆，餡料香雪菜蝦仁炒飯 $78飯粒炒得夠乾爽，口感好~蝦仁冇乜雪藏味招牌小龍包一咬，包內湯汁流曬出來，好味道花雕醉雞 $60肉質嫰，酒味香上海排骨拉麵 $56湯底唔多味精，排骨味道淡

依家連鎖嘅拉麵，以前真喺親襯過無數次！但近來太鐘意試新嘢，又有太多出色嘅小店，實在忘記依家連鎖嘅好出品！因為同朋友慶祝生日，所以再次光臨！我哋六個人，叫咗好多嘢食！首先上咗《菜肉雲吞湯》，雖然唔算好突出，但依個雲吞風味依然，真喺唔差！但重點喺個雞湯（我估喺雞湯），味道清甜，非常吸引，仲有少少起膠嘅感覺！可見冇落味精，真材實料！好味！再嚟《水煮牛肉拉麵》，一擺低已經傳嚟陣陣嘅麻辣香味，非常刺激感觀！牛肉唔算特別，厚度適中！但麵底特別有口感，彈牙可口，好味！但湯底真喺一流，小麻辣真喺超吸引，牛肉同麵都食哂之後，我仲飲咗成半碗湯！最後個咀仲有啲麻痹，真喺超好味！《酸辣湯拉麵》都幾好，酸辣程度唔算太出，但就到正常香港人口味，都幾貼心！酸辣湯糊狀就太飽肚，有少少'漏'嘅感覺！《回鍋肉配薄餅》真喺幾好，回鍋肉少少辣，都幾吊味吓！配菜生菜都幾新鮮爽口，而且多油喺正常嘅做法，用薄餅夾住嚟食，依種食法都幾特別！薄餅皮少少厚身，都幾落粉去做，唔易爛唔易穿，咬落頗有口感！《銀絲卷》就普通咗啲，我覺得似長條型的曼頭，咬落幾鬆軟！如果有煉奶會更好！《豆瓣菠菜》依個幾好，菠菜都新鮮，好有菜味！都幾有屋企嘅感覺！依

第一次嘗試這間店，午飯時間很幸運有卡坐，因為我喜歡坐位有要求的人，坐得舒適來慢慢品嚐美食！打開餐牌有很多款式，每一樣都好想食，只可惜眼闊肚窄😆。我便點了幾款嘗試，醉雞，小籠包，排骨麵，蘿蔔酥等...每樣都有水準， 很滿足會再來幫襯😋值得一讚是侍應自動自覺加茶了好幾次， 這樣非常好呀！這麼多樣菜埋單$350 ！

來到當然不能不點 - 上海小籠包 ($36)吧 ^0^但我覺得這個的皮有點厚~ 鼎泰豐的比較好吃。賽螃蟹($72) 味道不過不失。但不知是不是廚房不喜歡我們呢?? 有看到旁邊桌的那碟比我們碟的份量多Q_Q！上海炒年糕($68) - 不會太濃味。我覺得剛剛好~因為年糕太淡又會沒味不好吃~太咸也不好。最後還點了 - 清燉雞湯拉麵 ($62)。雞湯不錯^^ 但雞肉就可以免了不用吃~xd！

這天要到九龍灣去辦點事情, 那就在這邊吃完午餐才回工作崗位吧. 天氣實在很炎熱, 不想吃飯, 就來翡翠吃碗麵吧.德福的翡翠分店, 成績很好, 連續多年成為必比登店, 環境不俗, 裝修是幾簡潔. 看看餐牌, 不如來客炸醬拉麵, 辣一辣佢.炸醬拉麵 $48: 8分, 翡翠的拉麵, 吃了多年, 水準還是相當不錯, 麵質是對辦的, 而這碗炸醬拉麵, 是幾惹味的, 辣度不算太強, 是我還接受到的程度, 不過也是越吃越標汗.翡翠這家連續多年得到必比登推介的分店, 無論環境, 服務, 以及食物水準也是不俗的, 來這裡吃碗麵, 也是炎熱天氣下的好選擇.