Video
Read full review
2023-04-27
48 views
奉勸各位想去呢間餐廳食飯既朋友仔慎重考慮，專登開個account就係為左寫呢篇食評，因為真係「前所未有」既經歷！！上星期五生日，屋企人訂左呢間餐廳晚飯慶祝。我地一部分家人大約７點到達餐廳，當時只有我地一檯 ，其餘既家人包括我後來拎埋蛋糕同一支酒隨後到達。前台見狀幫我地雪起個蛋糕（無提及任何切餅費或開瓶費）。齊人後，我地一邊睇menu ，同時家人叫侍應拎幾隻紅酒杯來，示意我地稍後會開酒飲（呢個時候都係無提要收開瓶費）。酒杯到齊後，家人就用自備既開瓶器開酒，正當酒塞開到一半既時候，有位侍應走過來話: 「我地要收返＄１００開瓶費。」我地理解有Ｄ餐廳係要收開瓶費既，通常都係訂座／進店／見到客人支酒時就會提前告知。但今次我地一家人覺得好錯愕，因為連酒杯都拎埋俾我地都無提過會收開瓶費，但開左支酒先話要收！感覺間店有心莊我地咁，等我地開左支酒就無得唔飲。。。我地即時同個侍應反映，頭先一直都無話要收開瓶費，如果要收係咪應該提前講？而唔係等到個客開左先講。個侍應堅持話係公司規距一定要收！後來佢叫左個經理過黎，我地諗住既個經理應該係過黎為左無提前同我地講要收費而道歉啦，點知個經理行到過來話: 「唔好意思，
上星期五生日，屋企人訂左呢間餐廳晚飯慶祝。我地一部分家人大約７點到達餐廳，當時只有我地一檯 ，其餘既家人包括我後來拎埋蛋糕同一支酒隨後到達。前台見狀幫我地雪起個蛋糕（無提及任何切餅費或開瓶費）。
齊人後，我地一邊睇menu ，同時家人叫侍應拎幾隻紅酒杯來，示意我地稍後會開酒飲（呢個時候都係無提要收開瓶費）。酒杯到齊後，家人就用自備既開瓶器開酒，正當酒塞開到一半既時候，有位侍應走過來話: 「我地要收返＄１００開瓶費。」我地理解有Ｄ餐廳係要收開瓶費既，通常都係訂座／進店／見到客人支酒時就會提前告知。但今次我地一家人覺得好錯愕，因為連酒杯都拎埋俾我地都無提過會收開瓶費，但開左支酒先話要收！感覺間店有心莊我地咁，等我地開左支酒就無得唔飲。。。
我地即時同個侍應反映，頭先一直都無話要收開瓶費，如果要收係咪應該提前講？而唔係等到個客開左先講。個侍應堅持話係公司規距一定要收！後來佢叫左個經理過黎，我地諗住既個經理應該係過黎為左無提前同我地講要收費而道歉啦，點知個經理行到過來話: 「唔好意思，同事啱啱先training，唔記得左要同你地講（收開瓶費），但公司規距係要收開瓶費。」我地一家人真係呆左。。。＄１００我地唔係俾唔起，而係原則問題，事先講好要收既無問題，唔係掉返轉！加上當時除了我地，就只有另一檯客，個場唔大得兩檯客，侍應／經理就至少有幾位，好懷疑會由一入店到拎酒杯到開酒都睇唔到我地有酒杯係檯面要開酒？
件事仲未完架！最精彩既部分黎喇！個位經理之後又行去請示一位最高級既話事人，如無記錯係總經理。呢位總經理係背向我地檯既，但我地都望到佢地交談，不過佢就去到呢個時候都唔走過黎溝通一下，繼續係頭先位經理返過來，今次佢話：「我請示左老闆喇，我地真係要收開瓶費。一係咁啦，你幫我地買支酒，就免你地開瓶費。」呢個究竟係咩邏輯！？！？我地一家人聽到都覺得好唔合理。咁我地再問:「如果真係要買，我地要買返我地呢支酒，你地有無？」經理話：「無。」即係話我地要俾錢買一支唔係我地想飲既酒，就免我地＄１００開瓶費！？其實就算有同款既酒我地都唔會想買，因為事源係店方由始至終都無提過開瓶費，到見到我地開左支酒就焗我地俾。仲要我地幫襯買酒？成件事真係非常唔合理。
經理又再講: 「你地落左單未呀, 一係點左送先一陣再睇下點。」嘩！想我地落左單先之後肉隨針砧上！？如是者，個蛋糕係咪諗住我地拎入來既時候唔講收切餅費，到我地要食既時候又話要收?？聽到呢度連一向無脾氣既爸爸都話一係唔好食喇。我地全家都一致同意！即刻起身走人。我係第一個走左出門口，就係屋企人行到門口既時候總經理終於同佢地講可以免？屋企人係最後都再次反映真係唔合理，後面佢地既交談係點我無參與，但係都唔重要了。因為呢件事已經睇到店方既誠信、態度同不專業。
奉勸各位想去呢間餐廳食飯既朋友仔慎重考慮。
我既生日就係咁留下非常深刻不愉快既回憶。最後我地一家人求其係附近一間酒樓食，食物雖然唔係咩新派特色菜，但係我地食得開心、舒服！美好既餐飲體驗就係如此簡單。
Post