厚福館 (南角道)

Open Now

Now Closed

Men talk night~主要都係飲下啤酒，吹下水。呢度有廂房係兒好，不過留底就唔係咁夠高，啲聲音就走唔到，講嘢大聲啲隔離都可能會聽到。嗌咗個四人餐加咗少少小食同魚片，小食好食嘅，不過細份啲，最寒酸就係嗰啲海蜇真係有啲核突。但係韭菜餃鯪魚球魚片角都即叫即炸係正。個刺身拼盤性價比相當高有海膽、龍蝦同象拔蚌，食得出相當鮮甜。食完個刺身之後仲將個龍蝦頭椒鹽炸，配酒一流。加佛跳牆湯底相當足料，個湯都幾膠身又夠味，其實未打邊爐淨係飲個湯都飲到飽飽地。牛肉正常發揮唔算太大驚喜。其實記得個套餐都係為咗個刺身同埋個湯底，其他份量都唔使多，因為都食唔晒。