唐記包點 (捷榮樓)

Open Now

Now Closed

今日8號風球急急腳收工嘅時候諗住買個飯食，點知則邊啲鋪頭全部都閂晒，淨係得返唐記包點開，咁就去試吓食。呢間分店個套餐比起其他分店平，淨係$37就可以買到個章魚肉餅飯、燒賣同埋無糖茶，不過我加咗兩蚊去換走個茶變做可樂，幾抵！燒賣同埋章魚肉餅個味道好唔錯，比得上茶樓即整嘅嘢食，菜肉包啲料好足，山竹牛肉球同埋糯米雞都好好味，而且糯米雞個份量夠晒大！最後不得不讚嘅係支豆漿味道啱啱好，平時出街買嗰啲豆漿一唔係就一啲都唔甜一唔係就超甜，呢支豆漿係啱啱好，唔會搞到人飲到好渴。買咗唔夠$100嘅嘢夠晒三個人食，確實好平，性價比高。