唐記包點 (捷榮樓)

Open Now

Now Closed

幫趁唐記多年。以前在大橋街市對面的小舖叫唐記排骨飯，後來變了連鎖店，改名唐記包點，食品種類也多了。自從大棠這店開張以來，間中都會幫趁，每次都是買$35套餐，蒸飯+點心+紙包飲品。每次店員姐姐都會問清楚，飯是否要菜，是否落豉油，點心是否和飯放在同一盒，飲品是否加錢轉可樂，每次的食品都執得妥妥當當。食物質素也算中上。是日中午時份再光顧，沒有人輪候，只有我一人。舖面的員工變了幾個較年輕的人，女的負責收銀，也照例問了上述一系列問題，沒有甚麼異樣，我也回答要鳳瓜排骨飯，鵪鶉蛋燒賣，要菜、要豉油，點心和飯再在同一盒，不用加錢要烏龍茶。另一在旁，負責執食物的後生仔，好像沒有異樣，看見他把飯盒入袋時，我說不用給我餐具，他便急急打飯盒給我。但我看看，袋裏沒有烏龍茶，便問他是否有盒茶，他才默不作聲的，從旁邊拿一盒茶，遞給我，似乎沒有半點歉意。我心想，若我沒看清楚，是否這樣就算了？但算吧，可能他一時忘記而已。但回家打開飯盒一看，飯和點心在盒內亂作一團，即時胃口大減。以往即使點心放入飯盒內，一般都會整整齊齊，絶不會這樣亂七八糟。再看一下，全盒飯內，半片菜也沒有，我不是講清楚要菜的嗎？即使當刻店內的菜用完了，是

近日hit爆全城嘅角落生物💗超級得意喔今次唐記 x 角落生物推出💙蜥蝪紫薯包💙 $18 只限凍包出售❄️立體造型蜥蜴包超可愛😍大人細路都咁中意豐富嘅紫薯餡料😚微微甜水滾後蒸8分鐘就回復鬆軟😉Easy 手工酥點禮盒🎁+餐具🍴禮盒內有綠茶紅豆酥🍵紫芋酥🍠⭐️蜥蝪紫薯包+鐵盒套裝 $24 (不包括2件手工酥)⭐️手工酥點禮盒+餐具 組合價$68🛍以上包點及產品限量發售📅供應至3月31日

唐記 x Lipton 期間限定新品 即刻狗衝！奶茶味嘅包真係第一次試 估唔到又幾好味我喺門市買個熱嘅包 反到屋企 15min 個包仲微暖 ，重點！ 好流心吖 😍 我掛住影相 有小小凍左 一樣咁好食！ 同仲keep到流心 唔會話凍咗個餡就變得一嚿嚿👍🏻 啖啖奶茶味 又香 又滑 ，驚喜之處係 奶茶味濃郁得黎 一啲都唔澀，又唔會太甜。正吖 ！在此呼籲大家狗衝🤪🤪🤪Lipton奶茶系列新品係期間限定，想試嘅朋友就把握機會啦！我係第一日岀 就去買 朋友表示 去左3次都買不到

唐記包點周圍都有分店 隨便走走都很容易會看到的一家店 唐記包點不但有售賣不同口味的中式麵包 例如是菜肉包叉燒包奶皇包蔥花卷蓮蓉包等等 又有其他比較特色的沙嗲牛肉包 蔬菜香菇包 菜脯肉包 榨菜肉包等等 甚至一些盅飯或者點心都有 就好像是鳳爪排骨飯 章魚肉餅飯 鹹蛋肉餅飯  北菇雞飯 雞札 燒賣 山竹牛肉 鮮竹卷 金錢肚等等 反正就是茶樓飲茶會正常食到的食物都有一點點 價錢都相當不錯 不貴 不過今天我只是經過 肚子有一點餓 於是就買了一個好多人都食過的中式麵包 就是番薯包 賣相外型顏色都似番薯啡啡的 裡面有一點點番薯粒 番薯蓉 番薯味淡香 不太甜 一下單 就從熱爐拿出來 熱騰騰的 好食 熱騰騰的食物其實都好食 這個番薯包才4.5元 可以頂一下肚子的餓 感覺挺不錯

放假梗係訓到「黃朝百晏」嫁啦，訓醒想食點心，茶市又過咗，所以就去咗啲外賣店搵點心食。本身都無諗住食飯嘅，但去到見有套餐食又幾抵，所以都食個飯餐，1個飯1樣點心加罐可樂先$34，喺百物騰貴嘅香港算係超值。既然佢樣樣點心都均一價$14咁抵，咁唔駛諗，每樣要一籠就搞掂，最後嗌咗鳳爪排骨飯/春蛋燒賣/牛肉球/鮮竹卷/金錢肚/雞札，可惜燒賣售罄，如果唔係就買埋佢，排排下隊見有阿華田奶茶同阿華田包，新穎嘢順手做下試伏器。先講個飯，就係抵囉，味道唔差。點心方面，個春蛋燒賣同金錢肚出奇地好食喎，個金錢肚個沙嗲味啱啱好，同埋兜金錢肚有兩舊蘿蔔，嗰兩舊蘿蔔又係好入味好好食。到個阿華田包同阿華田奶茶，其實個包好好食，阿華田味勁濃勁濃，如果鐘意阿華田味實會愛上佢。至於個阿華田奶茶，好香既阿華田味，亦都有奶茶既香，估吾到加埋一齊係咁好飲。兩個人食到勁飽都係大約一百蚊，下次叫埋個燒賣先得。

今日8號風球急急腳收工嘅時候諗住買個飯食，點知則邊啲鋪頭全部都閂晒，淨係得返唐記包點開，咁就去試吓食。呢間分店個套餐比起其他分店平，淨係$37就可以買到個章魚肉餅飯、燒賣同埋無糖茶，不過我加咗兩蚊去換走個茶變做可樂，幾抵！燒賣同埋章魚肉餅個味道好唔錯，比得上茶樓即整嘅嘢食，菜肉包啲料好足，山竹牛肉球同埋糯米雞都好好味，而且糯米雞個份量夠晒大！最後不得不讚嘅係支豆漿味道啱啱好，平時出街買嗰啲豆漿一唔係就一啲都唔甜一唔係就超甜，呢支豆漿係啱啱好，唔會搞到人飲到好渴。買咗唔夠$100嘅嘢夠晒三個人食，確實好平，性價比高。

元朗出名多野食，呢度唔單只餐廳多，連唐記包點既元朗分店都比市區分店更抵。今日行經，見到個餐牌咁抵，忍唔住又買左一袋二袋返去開餐。店員好有禮貌，耐心聽我落order，又執單執得快。抵讚。點了一個咸魚肉餅飯，廿蚊一個蒸飯，真係好抵食。白飯份量不少，仲會加上甜豉油、菜，好惹味的。肉餅爽口彈牙，今次食咸魚肉餅，仲有舊細細咸魚，以咸魚送飯一流喔。咸咸地，特別滋味。仲買左好多點心，太抵了。忍唔住叫了好多款。燒賣大大粒啖啖肉，間間分店都好好食，質素保持得好好。春蛋燒賣，我好鍾意食，一般酒樓又少有呢款點心，係唐記有得食，所以我多數都會點來吃的，太惹味了。鮮竹卷，一共有三條，又juicy又惹味，好多汁醬，腐皮又好香又惹味。鳳爪好正，份量又不少，應該都有5-6隻，鳳爪好腍身，好惹味，又易咬。可以過下口癮。唐記仲有好多唔同既包買，有咸包又有甜包。呢間分店仲超抵，咸包都係5.5元一個，而甜包都是4.5元一個。極抵食。今次買了爸爸至愛的叉燒包，多料又多汁，叉燒包又大大個，十分惹味。如果鍾意食叉燒包的，一定要試下。仲買了菜肉包，中間的豬肉餡好多，每一啖都會食到餡料，不會要吃好耐包才食到中間的餡。正紅豆包，中間都係

今日放工入元朗搵朋友打麻雀，大家都唔想煮飯，於是乎去左呢間望落好新淨既唐記買野食。發現原來而家做緊嘅優惠超抵， $32蒸飯加點心，仲可以加兩蚊轉可樂。我同朋友就叫咗兩個套餐。兩個套餐我哋分別叫咗雞扎同埋燒賣。首先講下雞扎先，雞扎既腐皮夠薄，而且好足料，兩件大大件食完都有飽肚感。燒賣都好大粒，爽口彈牙冇粉感，同酒樓食既一樣味道！我叫左鳳爪排骨飯，排骨份量好夠，仲有兩隻鳳爪，性價比超高。排骨冇雪味，夠嫩滑。鳳爪好入味，比得上酒樓！最鍾意係個飯有配菜，感覺唔係淨係得肉同飯，健康d!我朋友就要左章魚肉餅飯，肉餅都幾厚身，食到一粒粒嘅章魚，同樣都係有啲配菜。飯粒粒粒分明，抵讚。鍋貼夠香口，拎咗返屋企雖然有少少遠咗但係都食到好香口嘅味道。最後一定要讚一讚呢支豆漿，平時飲嘅豆漿都好甜同埋有啲淡味，呢一支豆漿都幾重豆味，而且唔係好甜，啱晒女士啊。呢度加埋都係食咗$100多啲啲咋，超級抵食，如果唔想煮飯，依家都係唔錯嘅選擇喎。

放工後來到教育路捷榮店唐記包點，接近晚飯時間，所以有不少客人。煎鍋貼$15/3:香脆可口，入面有菜有肉，YUMMY~北菇雞飯$20:雞肉都算嫰滑，D飯吸左少少雞味，唔洗豉油都好夠味足料糯米雞$20:真係相當足料，入面有雞中翼、叉燒、咸蛋黃，一隻都可以兩個人食，$20實在太抵啦﹗香滑奶茶$12:諗唔到會咁香濃好飲，茶香味濃，飲完好醒神。見凍包都好抵，所以買左三個凍包俾屋企人做第二日早餐，包括奶皇包、紅豆包、香芋包。

元朗千色對面原來新開左唐記☝🏻😳喂個新promotion 又幾抵咁！有飯有點心有野飲🧐🤤（$32)🎈章魚肉餅飯甜豉油配蒸飯是不可少🤪！肉餅結實肉質但唔會太硬！章魚粒粒口感qq👍🏻 飯量都好多！重有菜伴碟🎈燒賣一籠4粒！杞子係試面既豬肉燒賣🥰抵食孖寶！重有包茶送！！🎈糯米雞（$20）足料👍🏻👍🏻大隻雞！我個隻入面重有雞翼🤪！糯米岩岩好唔會太硬！入面有豬肉，臘腸，冬菇🤤好香既麻油味🤗食完一隻飽到全日🥰甜包包係（$13/3個）🎈奶皇包🎈香芋包🎈黑芝麻蓉包三個色入面我最喜歡奶皇☝🏻因為最香滑🤤 香芋溶，芝麻蓉熱辣辣既時候食係重creamy 既！外皮都唔係淨係得個色嫁！有啖啖啖既味道👍🏻就算買左番屋企再蒸/叮都個包外皮都唔會太硬👍🏻🎈香菇雞包軟熟包包！入面有大大舊雞👍🏻 雞肉都好滑！🎈鮮竹卷一籠三件☝🏻腐皮水份足夠🤤入面d 料都好足茨汁係面頭🤤🤤🤤木耳蝦米等等🎈香煎蔬菜🥬香菇包兩面都煎到金黃色☝🏻入面多菜！入面有木耳👍🏻口感幾爽外層脆卜卜🤪香口野☝🏻一盅兩件配番杯茶岩岩好🤝

早餐抵食之選，這裡經常大排長龍，早上很多人想吃一個熱騰騰的包點，就會想起這間店。它有很多選擇，有時也會有季節限定的包點類，例如麻蓉包，推介自家手磨芝麻。包點選擇還有很多款，甜的可以選紅豆包、奶黃包或香芋包等等，咸的可以選雞包或菜肉包等。😝除了包類，還有飯類給大食的你們選擇，鳳爪排骨飯最基本，上次經過還出了日式牛肉飯，好創新！它的點心也可供沒有時間坐在茶樓而又想吃點心的你們選擇！有基本的燒賣排骨鳳爪牛肉球，還有鮮竹卷！好好食！😍😍

早已撰文指出此店應明顯分港鐵站和街舖兩條戰線，前者對象是白領，追求快捷，後者服務街坊，滿足饞嘴一族。款式不算多，新店有突破，有熱櫃賣上海的鍋貼，菜肉包。街市附近的鍋貼店一向受歡迎，但須有旋轉爐熱焗出來，才是正貨。此店的皮厚肉汁不多，不太酥脆。菜肉包是煎的形式，與上海生煎包不同，有點怪。更怪是賣香煎牛肉包，有回教店的珠玉在前，感覺質素一般而已。粵式點心店已變為中國小食店，砵仔糕也供應。