White Button Cafe & Dessert (Closed)

知道樓上有間靚靚cafe，特意前來朝聖。門口一朵朵白色花好有春日feel，入到店裏面以粉紅色為主就感覺到少女情懷。全店佈滿影相位，每個地方一枱一櫈，牆身，裝飾都會令你忍唔住要影番幾張。除左粉紅色嘅傻豹外，仲有餐廳嘅美食都唔可以放過。芝麻雞翼雞翼炸得外脆內軟，同平時食到最唔同嘅地方係佢油份比較少，但又能鎖住肉汁，有好香芝麻味，又有好少量嘅辣味。櫻花蝦明太子天使麵 天使麵好嫩滑，上左汁都唔會有一舊舊嘅感覺。嗰汁香而不油膩，再以櫻花蝦伴碟好似櫻花落下。一日之計在於晨，食個豐富嘅英式早餐， 充滿能量，雞肉腸唔會太鹹，薯餅炸得好香脆， 炒蛋好滑。大愛法蘭西之吻French Kiss花果茶，真係唔可以錯過，入口甜甜地，仲有好清新香氣，壺中的菊花盛開配合春天季節。 再黎一杯鐵觀音紫薯芝士奶蓋，茶味香濃，奶蓋有甜和鹹味道，口感軟滑，仲食到一粒粒紫薯。成杯可以混合一齊飲，味道極夾!玫瑰蜂蜜千層餅 唔會只係得忌廉味，一層一層之間有玫瑰蜂蜜味。千層餅經得起切一刀的考驗，就係用叉切落去都唔會輕易倒下。無論係男定女都一定喜歡，可以好愉快渡過一個週末!