花花世界. (Closed)

Happy Friday放左工，想同老公去d靜靜地又浪漫既餐廳傾下計，享受下晚餐，響旺角鬧市，想揾間坐位分佈無敢密質質既餐廳都唔容易，朋友上次去過一間推介女生必試既cafe餐廳，叫“花花世界”，地點方便，嚮朗豪坊旁邊，於是去一試～一入餐廳以為去左一個佈滿左玫瑰花既studio，有兩面玫瑰花牆backdrop再加一個庭園式韆鞦比女生影相呃like，仲有一個類似Candy Corner既位置放左d道具同綿花糖，整間店充滿温馨既花田感覺美國安格斯肉眼配紅酒燒汁$248尼間店既食物選擇唔算多，我地每人點左一個主菜，主菜附送一碗磨菇忌廉湯，忌廉湯味道夠濃，而我選擇既安格斯肉眼份量十足，七乘熟煎得剛剛好，肉質嫩滑，口感唔錯香料桂花煮豬肋骨$179另外豬肋骨相對肉眼扒就會有d失色，一份有四條，豬肋骨本身味道唔算突出，要靠香料桂花汁，配合起離還算不錯玫瑰朱古力$36Cafe既飲品無得輸，玫瑰朱古力充滿玫瑰花香味又香又濃～ 好正呀即使係凍飲，冰塊融化後仍然香濃好味草莓朱古力$34都係香滑好味道，比玫瑰朱古力甜一點，草莓味突出～尼間餐廳賣點係環境裝修，全店玫瑰花佈置，仲可以包場，啱晒女生攪Party