Video
Read full review
2009-10-24
39 views
師傅好耐都冇黎過呢區食飯, 早一星期前忽然有一晚想黎呢頭搵野食, 於是就專誠搭車過黎; 坦白講一條友食咩對師傅黎講真係冇咩所謂, 所以基本上師傅都係得過行字, 行到開始身水身汗, 終於支持唔住喇, 師傅就諗住求其搵間食店坐底, 咁啱行到黎呢度, 見佢個晚餐都幾吸引, 就索性入黎食晚飯啦!當時已經接近晚上十點鐘, 而呢間食店都仍然唔少人, 一坐底師傅即刻柯打番個心水晚餐, 就係晚餐A, 黑椒雞扒, 揀左白湯, 配上意粉同埋餐飲凍檸檬茶! 邊睇電視邊等一陣, 不經不覺就有得食; 率先登場係白湯, 忌廉粟米湯本身都好稀, 入口較淡口, 加上比較油身, 味道談不上出色, 免強合格吧; 餐包都叫做熱熱地, 睇得出有係特登整熱佢, 包身都鬆軟但牛油略厚, 一般啦!主菜黑椒雞扒賣相不賴, 有兩塊雞扒, 薯條同雜豆, 再加意粉一碟, 果然夠大堆頭; 師傅見到有雜豆, 當然係非常開心, 第一時間就食, 入口後發覺雜豆好粉, 味道一般; 雞扒就煎得都算香, 加上肉身夠滑, 但可惜入口非常咸, 加上都煎得幾油, 扣唔少分; 而個黑椒汁都幾香但未算辣, 而師傅亦係略嫌油少少, 一般啦; 意粉反而不錯, 因為味
當時已經接近晚上十點鐘, 而呢間食店都仍然唔少人, 一坐底師傅即刻柯打番個心水晚餐, 就係晚餐A, 黑椒雞扒, 揀左白湯, 配上意粉同埋餐飲凍檸檬茶! 邊睇電視邊等一陣, 不經不覺就有得食; 率先登場係白湯, 忌廉粟米湯本身都好稀, 入口較淡口, 加上比較油身, 味道談不上出色, 免強合格吧; 餐包都叫做熱熱地, 睇得出有係特登整熱佢, 包身都鬆軟但牛油略厚, 一般啦!
主菜黑椒雞扒賣相不賴, 有兩塊雞扒, 薯條同雜豆, 再加意粉一碟, 果然夠大堆頭; 師傅見到有雜豆, 當然係非常開心, 第一時間就食, 入口後發覺雜豆好粉, 味道一般; 雞扒就煎得都算香, 加上肉身夠滑, 但可惜入口非常咸, 加上都煎得幾油, 扣唔少分; 而個黑椒汁都幾香但未算辣, 而師傅亦係略嫌油少少, 一般啦; 意粉反而不錯, 因為味道適中, 帶少少茄汁味, 醒胃; 薯條又凍又腍又唔脆, 基本上食左一條後, 師傅已經冇食喇, 可想而知幾差呢; 凍檸檬茶並無咩特別, 似糖茶多於一切!
總括而言食物質素一般, 環境一般, 服務亦屬可以, 價錢都算抵食, 三十五蚊個晚餐等同師傅喺鰂魚涌食個晏差不多, 接受到啦; 不過呢一餐堪稱師傅近期最唔健康嘅一餐, 因為又咸又油; 食下食下師傅竟然見到呢句標語"奶茶我稱霸, 蛋撻頂瓜瓜", 心想堅定流呀? 早知就淨係試呢兩樣啦, 今次笑臉比唔到住, 但有機會都可以再黎試多次!
Post
