順興茶餐廳 (Closed)

今早嘗試佢哋的早餐， 希望搵到一間固定方便返工食早餐的餐廳， 除咗餐具不清潔外， D員工服務態度非常之差， 好聲好氣題佢哋是否漏咗單，（ 因為對面新到嘅客人全個餐都已上）， 居然回敬你一句吹都冇用， 這是什麼服務態度…… 不要求要高水準嘅服務態度，但是基本 都畀唔到你！ 在九龍城十多年 ， 餐廳就算裝修得怎樣舒服， 前線嘅員工服務這樣差， 廚師怎樣用心， 都是白費 ……茶餐廳需要街坊嘅支持但是這樣的服務， 只會令到客人一肚氣 ，街坊可以支持嗎？ 以後都唔會再去幫襯！

事關今日食早餐個陣個餐包叫左走油冇走都算 好聲好聲咁同其中一個員工講返可唔可以換 又話唔關佢事搵落單嗰個 開始仲要唔鬼理我！垃圾餐廳 野又污糟 態度又超差！一定唔黎再食！

路過九龍城順興，至醒起一直都冇機會買佢自家製出爐麵包或奶茶。口痕見到麵包櫃內有滿滿嘅炸蛋球，就買一個嚐嚐新吧。炸蛋球索價$9.5一個，價錢唔係好抵。攞上手時微暖，急不及待咬一口，外面夠乾身，蛋味亦足夠，內餡亦尚算鬆軟。可惜食多一兩口，已經覺得油油地，成口都係油。我都明白炸蛋球，顧名思義，係用油炸架啦，但如果我可以趁新鮮出爐時，買一個食，食味應該更佳。我下次要食下蛋撻同凍奶茶，至可以比個更中肯嘅意見呢。

一向對於舊式茶餐廳的奶茶、旦撻、菠蘿包都好欣賞。今天放假，去九龍城搵食，找到這間順興茶餐廳！滿懷希望……可惜失望而離去……旦撻夠熱，有旦味，但甜了小小！菠蘿包，凍的，帶點酸味！炸雞脾，皮夠脆，但雞肉不夠鮮嫩！至於樓面職員態度，不提也罷……我想我應該唔會再來了！

又一間值得紀錄的茶餐廳自製甜糕餅炸蛋球 / 沙翁 :九龍城順興的名物之一每天也有出爐可是之前每次給遇見的都是冷冰冰油淋淋的 不知何時開始上午十時半後也有新鮮出爐早午市也有口福了 上２圖是分別兩天點吃的形態不同美味卻唯一！當你吃過新鮮炸起的以後也不會有意欲吃泰 x 的冰冷沙翁 ! * * * * * * * * 蛋球外皮凸起部份鬆化皮底層煙韌白砂糖均勻地舖滿整件蛋球糖粒沒黏上一團團只有餅皮夠熱才可如此内裡軟綿濕潤富蛋香麵粉香相比其他店的出品順興的沒那麼油膩好味！ * * * * * * * * 三四十年前不少茶餐廳也會造甜餅能夠堅持至今的十隻手指數得晒 以前覺得順興炸蛋球 hea 住做等待消失的一日自從十一時午市也有新鮮一點的放在餅柜那懷舊的美味終於令更多人享受得到！！原來要傳承舊時的好東西是需要堅持出多一盤認真的食客便多個機會領會這傳承了

陪朋友食晚餐，入咗呢間茶餐廳，睇住朋友食冇理由自己唔食，一向鍾意食甜野嘅我，見佢大大隻字寫住出名炸蛋球，梗係要一試。炸蛋球，即係莎翁，即係一舊類似炸咗嘅麵包上面沾滿糖，依家好多地方都無得食。以往食嘅莎翁，外脆內軟鬆泡泡為之一流。呢度嘅炸蛋球，唔知係啲油好耐冇換定係炸過龍，外表係淺啡色，並不是金黃色。整舊粉團索滿油，油都未鯨乾就沾上砂糖，所以砂糖俾啲油搞到一嚿嚿，並不是均勻地分佈在蛋球上。外皮係夠脆，裏面亦都鬆軟，不過咬落去，成口油⋯⋯

沙翁is deep fried Chinese dough covered in sugar. Yummy snack. But for what it is . Is pretty expensive . $10 for one small piece. I guess this place is famous for it n it difficult to find authentic Chinese snack now a day. I can't comment on others because I had mine to go. But the front bakery counter has a wide range of cake and bread.

昨日經過順興買了2 個菠蘿包及2 個沙翁帶走，回家後孩子吃了一口沙翁，大叫及立即吐出，原來他們把鹽當糖用，整個沙翁沾滿的是粗鹽而非砂糖！真教人難以置信！負責煮食的人基本責任就是確保出品正常，這樣的低級錯誤也犯，真的不可原諒！

周末傍晚，男友專登帶我黎試佢力推嘅牛脷。時間尚早，所以食客不多。餐廳仍沿用吊風扇。雖然睇到好多食評話服務差劣，我當日所見又無呢種感覺。呢個時鐘上印有茶記招牌 ，已經感受到一份昔日懷舊嘅時光。晚餐選擇有兩個，燒汁豬扒同茄汁牛脷。與男友各一款。連凍飲都係116蚊咋。。晚餐選擇有兩個，燒汁豬扒同茄汁牛脷。IMG:4]晚餐附的白湯，有粟米在內，味道一般，但好大碗。呢度嘅凍檸茶都比正常大杯。有四片檸檬，最後我都係飽到飲唔晒。除左果2個餐外，其實呢間茶記都幾多選擇。隨餐附的粟米忌廉湯，味道一般。個餐仲有我最愛嘅餐包，包嘅質感係好傳統舊式鬆軟嘅口感，內附牛油叮熱送上碟。熱辣辣，香噴噴。呢種感覺已經逐漸失傳。跟餐叫左一飯一意粉。同扒是分開上碟。意粉真心抵讚，用茄汁撈過調味先上碟，而且份量都幾多，最後都係食唔晒燒汁豬扒，豬扒有兩塊，而且醃過，食落易咬又唔痴牙。仲包埋薯條 真係滿足晒我又想食意粉但又想選薯菜嘅慾望。茄汁牛脷共三塊，一樣包埋薯條。牛脷超級稔，仲食得番牛肉味。茄汁經調味過後出奇地順口。黎幅大合照 先，份量真係好多。結果飯，意粉，餐湯都食唔晒。最後食飽飽後，不忘影番個門面英文招牌先。平平地又想食

今日睇完Lego卡通片，完本諗住食個泰菜再去按摩！點知睇完戲再到九龍城，唔係得番好多時間食野！啱啱經過順興，見佢有D懷舊Feel就入去試下！女友唔餓就點左墨魚丸米！個樣就窄窄地！試左粒墨魚丸，原來味道同個樣一樣麻麻！我自己就見到晚餐有男人的浪漫支竹火腩煲跟飯！咁就點呢個啦！黎到時熱辣辣！但係味道就麻麻！火腩好咸！個汁都偏咸！快快趣食完就埋單走人！應該未必有下次！如果想懷舊下，呢間老字號雖然重新裝修！仍保留住一D舊傢俬，舊鐘作為擺設！

二月上旬。晴在找有水準的茶餐廳，還記得這裡的蛋球很不錯，就趁下午幾款麵包西餅出爐的時候來試一試。週日的下午茶時間，這裡也有不少食客在打躉，始終是區內的茶檔熱點之一。一個人來到，快速的進佔卡位。有電視看的下午茶時光，很不錯。還記得這裡的熱奶茶不錯，就先來一杯。喝奶茶也先看杯，最好的當然是用上厚身的奶茶杯。如果拿著一個傳統的、洗到甩晒色的厚身奶茶杯，感覺是比用普通的玻璃杯好一點的 ~ 雖然這與奶茶本身的味道無關。這裡攻犀利，有自家品牌的奶茶杯，非常認真。奶茶方面也有水準，有茶香又夠滑，口感頗厚身，仍然值得一試。問過出面賣包的阿姐，知道蛋球還是熱的，快來一個。曾經在這裡吃過油瀝瀝的蛋球，但是日的又很不錯。外邊微暖，乾身且帶微脆口。搣開來吃，內裡很是濕潤鬆軟，始終是用油炸的，難免會有點油，但蛋香味濃。加上灑滿糖的表面，甜甜的是喝熱啡及熱茶的良伴。在吃蛋球的時侯，看到蛋撻新鮮出燼，還等什麼？也來一個。這裡賣的是酥皮蛋撻，酥皮「層」數不算很多，咬下去不算很是鬆化，比較起來幾條街之隔的豪華好得多。不過這裡做的蛋餡做得很好，嫩滑夠熱又有蛋香，好吃。伙記轉頭送張單來，看到上面寫著「奶茶我稱霸，蛋撻頂瓜瓜

夜晚12點幾九龍城的某幾條街還是很熱鬧, 和老公找間茶餐廳食宵夜, 見這大大間的茶記滲著好香o既雲吞麵味, 就入去試下!我們叫了雲吞麵和淨水餃都好好食而且價錢唔貴! 不過凍啡略嫌酸O左D! 我比較喜歡懷舊裝修的茶餐廳, 呢類餐廳D 野食係好食D! 而且呢度好靜, O岩晒同老公拍拖, 又有電視播緊新紥師兄, 一路食一路睇好正!!

深夜總是餓, 還是來個宵夜吧.時間又不早, 還是不吃飯餐了.叫點基本的-餐蛋治+凍檸茶, 一人幹掉也不會太飽.首先送來的是凍檸茶, 高高的杯內藏了四片檸檬, 厚度適中, 不是薄到只有2MM那種. 茶的濃淡度適中, 亦不會太甜, 只喝到一口糖水.一會, 另一主角餐蛋治也來了.軟軟的白麵包, 伴著滑滑的蛋, 還有不會過咸的餐肉, 實在是美味的配搭!

我在附近居住，經常都會幫襯這間餐廳，最近減少了很多。。。原因是這間餐廳有外賣服務的，我可以叫做常客。。。先講有次我叫外賣，他會叫我留下電話，跟著到了送外賣的伙記來了，他沒有致電給我，由於我是住劏房，他在出面叫，我都聽不到，到我聽到時開門出去拿食物，他的態度令我即時不想要這些東西，他大大聲鬧我，而且還是用粗口，仲要不止一句，說我這麼久才出來拿食物！另外都是送外賣來的時候，有一個帶眼鏡的阿叔，兩次來都見他吸住煙，我問了兩，三次幾錢，他都不理會我，又唔給收據我，我只係想知幾錢啫，唔願意答，唔願意做咪唔好做外賣服務囉😡😡😡

每次經過九龍城既順興都會被佢門前既食物吸引到自家麵包, 蒸包及湯河粉甘可惜每次都係食完野先記得佢. 今天我們點了1.      LUNCH SET –黑椒豬排火腿飯, 黑椒味濃到噴火, 可惜太辣既關係吃不出豬排及火腿有咩味.汁是淡口的.2.      豉椒炒牛河 – 好夠鑊氣可惜味太淡.  3.      例湯都是淡如水待應是愛理不理的樣子, 不過都客似云來的樣子. 都唔知係米我叫錯食物呢?!