翠華餐廳 (Closed)

星期六的早上，返工前約埋同事一齊食早餐，受到近日電視劇集的影響，一於要去翠華食個早餐，順便嘆杯奶茶。尖沙咀翠華，可能係遊客區，一早去到都已經好多人，好彩仲搵到位坐，睇完餐牌，叫左個沙嗲牛肉麵，配炒蛋，牛油豬仔包，加杯熱奶茶。沙嗲牛肉麵，沙嗲味夠濃，而牛肉又淋又入味，炒蛋亦都好滑，豬仔包有牛油，烘得熱辣辣，香脆再加上牛油，變得特別好味，最後飲埋杯奶茶，茶味比奶味較濃，我個人幾鍾意這個茶和奶的比例，真係飲完會再番尋味。