泗益

Open Now

Now Closed

泗益係赤柱必食，同時又係中學回憶，學生哥係赤柱放飯食既野都係黎黎去去都係個3/4個🙈佢既咖央西多士出名唔洗落糖漿，同即叫即整。之前讀書6年可能都只係食過一次，因為次次去唔係佢無開就係賣曬。要食都唔係咁易🙈今次12:30到，可能因為COVID無曬遊客所以赤柱市集好靜，即使係午餐時間，都唔洗等位。佢係無冷氣既，5/6月食都還好，7/8月可望就會有點辛苦。今次我叫左西多士($30)，加冷奶茶($19)。叫完老闆就即刻拎打蛋器打蛋，準備份西多。等左10分鐘左右就有得食。上到台，熱騰騰既，再有兩片牛油係面，超邪惡。食落好多蛋味，咖央味都出既，不過真係好油，我食每口之前都要壓一壓佢，bit返d油走😓佢有個加分位既，就係佢會幫你切埋先上台，不過呢，佢切完都仲幾大塊，佢又只係比叉我，我又懶叫佢再比刀我，所以就用兩隻叉食😂杯奶茶我就好鐘意，正宗港式奶茶，好滑，夠奶又夠茶味🤩👍🏼滿分💯總言，係值得一試，但最好同人share份西多，如果唔係一定油死你🤭奶茶大推💕