魔膳廚房 (Closed)

差啲睇錯，以為淨係前菜甜品飲品任食任飲，原來主菜都係任食，只係$230，有驚喜。環境舒適，唔糟，食物擺放整潔，客人攞食物都好有禮貌，職員有禮貌，上菜速度快，主菜份量都正常，所以進餐過程都幾愉快。有4款沙律，蒜蓉包勁多牛油蒜蓉又脆，黑松露蘑菇湯好味。芝士椰菜花，焗蝸牛薯蓉味道剛好，軟硬適中。酸菜魚酸辣度大眾化，魚肉好滑。炸物普通，合格。燒春雞(任食)，皮脆，但唔夠入味。黑松露雜菌意大利飯(任食)，味香好味，只係飯質較似港式，沒有正式意大利飯嘅咬口。蟹籽卡邦尼意粉，好味，但又係唔係平時食嘅卡邦尼意粉。甜品飲品任食。總結，抵食，唔差，可以再去。