花花世界. (Closed)

一入到呢間花花世界就覺得到非常浪漫啦，因爲係比好多好多嘅玫瑰花包圍住，staff安排咗我同朋友去玫瑰花嘅位。直頭覺得花到有D 誇張, 不過而家興打卡, 呢度一定呃到LIKE。我叫咗個煙三文魚菠菜忌廉意粉同埋百香果茶。煙三文魚菠菜忌廉意粉佢係長通粉呢嘅，一上台嘅時候，已經好有驚喜,煙三文魚圍咗做花形，仲有d玫瑰花伴碟, 真係靚到一個點。食落長通粉係al dente嘅，唔會淋晒咁。而個菠菜汁都做得唔錯，有啲燈籠椒mix 埋 所以唔會因爲忌廉味就覺得好漏。百香果茶一沖杯茶就聞到好香嘅百香果味，朋友對面都聞到都覺得好fresh,飲落去亦都唔係甜, 好健康。如果同閨蜜一齊呢就非常match啦，影相打卡或者靜靜地坐低傾偈都非常適合啊。