豐鍋雞煲 (荔枝角道) (Closed)

天氣開始涼，係時候比自己一個借口去食火鍋了，上網搵食時候發現豐鍋係深水埗都開了，唔洗入到去沙田石門食，自然要去試下。叫左個豐鍋招牌麻辣雞煲，我本來唔係好食得辣，但店員講一定要試下，所以叫左個試下，一上來已經好香好惹味，店員會代勞即場再炒炒，炒幾分鐘之後，更加香。醬汁好濃同惹味，雞件切得啱啱好，唔會太大或太細件，多又有肉食，肉質嫩滑，吸收左個雞煲的精華，好入味。之後打邊爐叫做牛柳粒，個量唔少，食肉獸好適合，牛肉肉質都係到，唔會有雪味，吸左雞煲d味，味道唔會比平時d肥牛差。如果下次去深水埗，大家可以有多個雞煲選擇。