兩草 (銅鑼灣道) (Closed)

想嚟食好耐，但因為公司同屋企都唔係好就腳，遲遲都未試到。今日難得早起就一於特登去拜訪一下！12:00 未到就已經有好幾個人排隊，見店員喺裏面仔細整理，做足凖備。地方細細，坐低後幾分鐘就已幾八成滿。我同港男兩個人都嗌咗幾多嘢，又飯，又小食，又嘢飲。過咗冇幾耐，廚房就嗌話排骨飯冇晒，心諗有冇咁誇，雖然係有限供應，個真係唔夠半個鐘賣晒？！下次要試下先得！肉骨茶唔錯，好濃郁，夠蒜夠胡椒味，湯係好飲嘅，不過肉骨可以再靚D，唔夠淋同肉質可再好啲。呢個咖咉toast好味，同平時嗰啲唔同，有甜豆香味，幾特別滑蛋叉燒飯正！葱花好香，蛋又煎得啱啱好，個人覺得叉燒切得細條咗啲，大舊啲仲正。細細碗好啱晒港女食，飯又煮得剛剛好，真係一碗黯然銷魂飯！用肉骨茶煮小籠包子，幾有gimmick，不過可惜效果麻麻哋。皮好粉，唔夠靚，餡多汁ok，如果做好皮方面，會好好多。肉餅飯真係好comforting，好好味，肉餅做得好好，加埋隻蛋簡直係perfect match！下次會來試埋排骨飯!