金泰泰國菜 (Closed)

約左朋友食飯，諗住口痕食泰菜。朋友話黎過，氣氛吾錯，所以特地介紹。我地book左八點，女士通常都遲小小到既。同朋友meet up就一齊係地鐵站行上黎。明明話G/F,行極都未搵到，所以叫男士黎接。原來係商場出面地鋪。一入到去就覺得度門好重，用盡力先推到入去。而入到去，全部係啲中年男人，仲要個個都係飲下洒吹水，心諗個fd係咪玩嘢。人吾多，加埋我地十隻手指數哂。餐牌冇咩特別，冇話想特別想食咩。見佢bar枱有個signature dishes，就揀左生蝦同明爐魚。仲有睇餐牌叫左咖喱雞、柚子大蝦沙律、蒜蓉包、菠蘿炒飯。曾經有一排好鍾意泰國菜，同朋友又去過泰國品嘗過，都算半個專家，所以對泰菜要求都高。首先個生蝦賣相就好吸引，但啲蝦完全冇膠質，又淡，吾夠新鮮，吾得。咖哩雞擺到我面前都聞吾到啲香味，食落雞切到好細舊，想係堆咖哩醬同三色椒度搵出黎都幾考眼力，搵搵下都放棄。 唯一我欣賞既係個沙律同蒜蓉包。個汁好香，食材算新鮮，炸脆左蒜蓉同個汁好配合。蒜蓉包香脆，但吾覺太油膩，幾好。 等到頸都長既明爐魚！可惜…好失望…試左個湯底，辣味係ok,但酸度欠奉。條魚一望就知吾新鮮，食落好hai,又冇魚味，所以冇以