Video
Read full review
2022-05-23
48 views
今日lunch time食welcome lunch，因為係新嘅經理on board ，老闆竟然帶我哋去食高質日本菜！佢係位於銅鑼灣嘅花貝日本料理。呢幢大廈好似都幾新， 搭lift嘅時候都聞到啲裝修味，入到餐廳，成間餐廳感覺都好新，可能都係新開嘅。餐廳環境好高級，我哋四個坐係一個好闊落嘅卡位，坐得好舒服。呢度嘅lunch set大概200至四百幾蚊一位，因為已經好耐冇食過燒肉，所以我見到餐牌上面有得食和牛燒肉，已經唔使諗，即刻揀咗！我喺OpenRice上面見到有啲人食類似和牛粒，啲相好似唔係好多塊，心入邊諗住今餐可能唔係好飽，點知原來我叫嘅呢個和牛燒肉份量係勁多！非常抵食！首先有啲開胃菜，呢個應該係魷魚水雲，個人好鍾意食酸酸地嘅食物，呢個非常啱我口味，魷魚仔口感彈牙。另外果兩片刺身亦都好新鮮。重點嚟啦！真係有好多塊燒肉！而且佢咁樣一片片擺出嚟賣相好好睇，亦都非常之香，點上肉汁，脆脆地嘅煎面，加入便五成熟嘅牛肉，好好味！亦都好多肉汁。唔止啲牛肉，隔離啲沙律菜都好高質，上面竟然有蔓越莓！驚喜，蔓越莓仲要唔係好酸，甜甜地，高質。呢個燒肉真係非常抵食，自問我嘅食量真係食唔晒，仲可以分比同事一齊
呢幢大廈好似都幾新， 搭lift嘅時候都聞到啲裝修味，入到餐廳，成間餐廳感覺都好新，可能都係新開嘅。餐廳環境好高級，我哋四個坐係一個好闊落嘅卡位，坐得好舒服。
呢度嘅lunch set大概200至四百幾蚊一位，因為已經好耐冇食過燒肉，所以我見到餐牌上面有得食和牛燒肉，已經唔使諗，即刻揀咗！
我喺OpenRice上面見到有啲人食類似和牛粒，啲相好似唔係好多塊，心入邊諗住今餐可能唔係好飽，點知原來我叫嘅呢個和牛燒肉份量係勁多！非常抵食！
首先有啲開胃菜，呢個應該係魷魚水雲，個人好鍾意食酸酸地嘅食物，呢個非常啱我口味，魷魚仔口感彈牙。另外果兩片刺身亦都好新鮮。
重點嚟啦！真係有好多塊燒肉！而且佢咁樣一片片擺出嚟賣相好好睇，亦都非常之香，點上肉汁，脆脆地嘅煎面，加入便五成熟嘅牛肉，好好味！亦都好多肉汁。
唔止啲牛肉，隔離啲沙律菜都好高質，上面竟然有蔓越莓！驚喜，蔓越莓仲要唔係好酸，甜甜地，高質。
呢個燒肉真係非常抵食，自問我嘅食量真係食唔晒，仲可以分比同事一齊食。
呢個定食仲有茶碗蒸同埋麵豉湯，兩樣都好好味，呢個set真係對得住佢嘅價錢！
最後仲有甜品，豆腐雪糕，食完一餐咁豐富多肉既午餐，食一個清清淡淡嘅豆腐雪糕就啱晒啦。
Post
