肉料理 廣

Open Now

Now Closed

假期又要搵好野食，朋友食過話呢間好食特登黎試，唔知間野係咪新開，好似無乜人，咁仲好無咁迫因為之前食左tea,所以只係叫左一個set,另外再叫啲菜，同埋第一次食我地無叫最貴，叫左第二貴嘅飛驒牛set有餐前酒，前菜同刺身，全部都好精緻，食材新鮮。紙火鍋係海鮮，底下有大大塊魚肉，個湯好甜，我地成個飲晒呀！和牛軍艦就俾個海膽搶左fo,不過個牛真係好淋同滑。茶碗蒸有驚喜，上面有啲鵝肝醬，真係香好多同野味呀！另外點嘅大葱同南瓜都好新鮮好甜。終於主角出場喇！真係好靚呀～全部都雪花，兩邊輕輕燒下就食得喇!軟綿綿入口即溶，又夠牛味，真係好幸福呀～最後揀左幾特別嘅芝士火鍋，佢隻芝士係酸酸地，唔會膩，啲包包又軟軟的，好好食最最最最後嘅蜜瓜都好甜呀！不過無北海道果啲咁正，車厘子麻麻無乜味。呢餐飯，我淨係識好甜呀！好鮮呀！好淋呀！我真係形容唔到果種好味。