影の鳥 (Closed)

利申先-我唔係鏡粉 🤣 但係都有聽過呢間鏡仔都有投資的新燒鳥店（係邊個成員我就真係唔知啦）社交平台內都有不少好評，我梗係要去試吓真偽，睇吓係咪即係明星效應🧐低估左佢嘅受歡迎程度，平日下午去竟然座無虛席，冇理由無功而退，點都要買走個外賣！原來外賣都唔平🙉雖然兩客以上九折，但係一個便當都接近三舊水🧐🧐 即叫即整，大約等20分鐘～趁佢仲熱辣辣你車返屋企食！返到屋企認真望下，包裝確係幾高質！竹制的正方形外盒，為免漏汁內層加多黑色膠兜。配埋沙律同麵豉湯，成件事好似拆禮物咁，好有質感！抵佢貴嘅！▪️匠之膳 燒米國牛小扒丼 $308排得井然有條的牛小排望落好治療，色澤鮮嫩，完美的三成熟！我唔客氣喇！切成一口吃下的大小，入口細緻軟嫩，油脂均稱！而且好有肉汁，再沾上特製日式燒汁，倍添風味，送飯一流呀！▪️串燒丼 $268最初驚五串串燒唔夠飽，望到便當內漲卜卜的五串肉感十足，足料㗎！鹽燒雞肉串香滑！手打免治雞肉棒幾彈牙有咬口，🤣 如果可以加多隻生蛋仲prefect ! 最欣賞係厚切牛舌，厚度足足成CM架！咀嚼起來軟脆又帶彈性，口感超正！雞翼同埋黑豚腩肉亦也不俗！成個飯盒好高分！而且好飽好飽兩款便當都真心高質！