Video
Read full review
2018-04-11
241 views
餐廳環境清幽，乾淨企理，燈光微暗偏紅，好有情調，好適合情侶黎把酒談心，不過今晚係同個好姐妹黎晚餐，傾下女人心事。XDXD 老闆非常熱情，不時會為人客介紹食物同埋問下客人對食物既意見，完全同其他餐廳唔一樣，好有親切感。GALETTES::法式蕎麥餅::帕爾瑪火腿蕎麥餅::應該好多人同我開頭一樣會以為呢個餅係PIZZA，其實佢只係個樣似PIZZA，正式係叫蕎麥餅，原來蕎麥係含有好豐富既膳食纖維同埋蛋白質，健康過普通PIZZA好多架!! =]我地揀左PARMA HAM做主角，係蕎麥餅上放左好多片大大片既PARMA HAM，用左MOZZARELLA CHEESE，中間仲有一隻金黃色既雞蛋，側邊放了幾粒烤過既蕃茄仔，再配上一片羅勒做裝飾。賣相已經不得了!!!味道方面，因為本身PARMA HAM已經有足夠既咸度，所以配上無味既蕎麥餅底中和，咸度即時變得適中，再加上小小生蛋黃汁增加JUCIY感，配搭一流!!PASTA::意粉::雜錦海意式扁麫我地本身想叫一個意粉SHARE食，但有成6個意粉，我地都拿不定主意〉尽是就問下老闆有咩推介，佢就推介左我地呢個雜錦海意式扁麫，即管試下!結果是沒有令我地失望。海
餐廳環境清幽，乾淨企理，燈光微暗偏紅，好有情調，好適合情侶黎把酒談心，不過今晚係同個好姐妹黎晚餐，傾下女人心事。XDXD 老闆非常熱情，不時會為人客介紹食物同埋問下客人對食物既意見，完全同其他餐廳唔一樣，好有親切感。
帕爾瑪火腿蕎麥餅
$98
19 views
0 likes
0 comments
應該好多人同我開頭一樣會以為呢個餅係PIZZA，其實佢只係個樣似PIZZA，正式係叫蕎麥餅，原來蕎麥係含有好豐富既膳食纖維同埋蛋白質，健康過普通PIZZA好多架!! =]
我地揀左PARMA HAM做主角，係蕎麥餅上放左好多片大大片既PARMA HAM，用左MOZZARELLA CHEESE，中間仲有一隻金黃色既雞蛋，側邊放了幾粒烤過既蕃茄仔，再配上一片羅勒做裝飾。賣相已經不得了!!!
味道方面，因為本身PARMA HAM已經有足夠既咸度，所以配上無味既蕎麥餅底中和，咸度即時變得適中，再加上小小生蛋黃汁增加JUCIY感，配搭一流!!
雜錦海鮮意式扁麵
$188
27 views
0 likes
0 comments
我地本身想叫一個意粉SHARE食，但有成6個意粉，我地都拿不定主意〉尽是就問下老闆有咩推介，佢就推介左我地呢個雜錦海意式扁麫，即管試下!結果是沒有令我地失望。
海鮮方面有煎帶子‧三文魚柳‧同埋青口，海鮮新鮮，份量適中。但我本人覺得今次個扁意粉同埋個自家龍蝦濃湯底做左主角。意粉煙煙UNUN，同平食開既普通意粉確車有好大分別，而且個自家龍蝦濃湯有好少好少既辣味吊住，味道好特別，非常喜歡。
法國黑青口
$175
15 views
0 likes
0 comments
MAIN::主菜:: 主角終於出場啦。我地既主菜揀左法國黑青口，食完呢個青口後我對青口都改觀啦。講返佢個賣相，用左一個鍋仔黎上碟，裡面放滿左黑青口，真係好多好滿，份量超班，青口唔係平時見到大大隻個啲，第一個反應係BB青口?好得意。
青口配左個白酒忌廉汁，好新鮮好清甜，而且粒粒肉都很肥美，一粒接一粒咁不停食，都忘卻了自己係餐廳要保持儀態了。仲有佢個炸薯條!即叫即炸，熱辣辣，再配埋佢地自己既香蒜蛋黃醬，真係好特別，香蒜蛋黃醬入面仲加左小小芥末，所以食起上黎特別野味。
香煎香蕉·焦糖·雪糕
$68
8 views
0 likes
0 comments
一坐低未諗到食咩既時候已經揀定左呢個甜品，的確係比MENU上既相片吸引住───香煎香蕉‧焦糖‧雪糕。PANCAKE做底，上放左香蕉片，無限既焦糖同埋一球雲呢拿雪糕。食既時候焦糖加上PANCAKE皮再加小小雲拿雪糕，一口品嚐了不同既味道同口感，真係好好味。當老闆走過黎問我地覺得食物怎樣既時候，我地都異口同聲咁話呢個焦糖真係好味到不得了，甜得黎恰到好處，完全冇膩既感覺，老闆補充原來係因為加左海鹽，所以焦糖特別好味。真係想講「一試難忘」!
Post
