鳳城酒家 (Closed)

約朋友食飯，為左方便住唔同區既朋友飯後搭車返屋企，所以揀太子、旺角區，而因為呢度早幾日前仲book到枱，而且冇時限，方便傾偈，所以揀左喺呢度食。人少少，叫了4個餸，每個餸份量都唔少，所以加埋配飯，5個人絕對夠食。今次叫了推介既蓮藕餅，蓮藕係切成粒，混合肉整的，所以好容易入口，都好味；魚香茄子煲，夠熱，好滿、好多餸，不過魚香不足，但原係肉係魚滑，唔腥，加分，個人口味問題，覺得茄子再腍啲會更好味；生炒骨夠酸、夠熱，一樣係好大碟；蒜蓉炒芥蘭，普通，如果蒜蓉味更重，會更惹味；炸子雞普普通通，不夠脆😅飯後送綠豆沙，臭草味不強，易入口。過程中，職員收碟幾次，似乎想我地快啲走，但收收下，就冇再有動作，因為等位既人少了，所以約朋友食飯、傾偈，不妨揀呢度。