麵皇 (Closed)

今日專登過黎長沙灣上堂，得一個鐘頭食個lunch，真係睇到有岩食就走入去。今日咁岩想食湯面就入左去麵皇。睇下個餐牌，原來係主打手工麵，仲有六款湯底。我自己就揀左鮮牛幼麵酸辣湯底，食物上台真係嘩左一聲，真係好大碗。岩晒我呢個大胃王食啊。個湯底同一般既酸辣有d唔同，幾特別既味道。手工麵方面，幼麵同意大利粉既粗度差唔多，麵質好煙韌，好彈牙，完全唔會過軟，而且牛肉仲好嫰滑，整體一句講晒，我去長沙灣一定會再食啊。47蚊價錢都合理。