大川滬 (Closed)

今天去了土瓜灣北帝街搵嘢食，無意中 發現 一間 上海菜館 ，裡面嘅食物令我 一試難忘， 特別係小籠包，鍋貼， 米薑蒸黃花魚 ，蘿蔔絲酥餅， 韭黃炒鱔糊等等。小籠包皮薄餡靚， 一口咬下肉汁一不小心就會好容易整污糟件衫，因為太多汁，所以食時要細口細口食 。鍋貼都係皮薄多肉汁，另鍋貼底部做到好脆，非常好味 。米薑蒸黃花魚 ，我食過好多上海菜館，但從未試過用蒸方法去做黄花魚，多數是煎的 ，但蒸的效果出來非常好，魚肉好鮮甜。我第一次食到咁好味嘅蘿蔔絲酥餅， 外脆內軟，餡料仲有金華火腿 ，真係未試過。韭黃炒鱔糊炒得不油膩 ，味道啱啱好，不會過鹹。 另侍應服務質素都好好 不停咁斟茶，特別係我從未飲過上海菜館會有黑蕎麥胚芽茶 ，好好味同埋好香 。這間菜館是我咁耐以嚟第一次吃到咁好味嘅上海菜， 他們用心製作實在值得再去多幾次。