富良野日式拉麵 (Closed)

今日因為工作嘅關係，落左天后，午餐亦喺呢頭解決，電氣道食店林立，但係因為時間唔容許，所以見到呢間食店門面幾企理，就諗都無諗坐低左，佢地選擇唔多，好快已經決定叫左個豬軟骨地獄湯烏冬，同事就要拉麵，侍應小姐落單後即刻"跑"去入單，嘩！好似打仗，但當時食客唔多。五分鐘後，侍應小姐送上我地嘅烏冬同拉麵，飲左一啖湯，感覺油淋淋，亦因為咁，烏冬食落好滑，亦好”漏”，至於豬軟骨，唔知係咪配菜有腌青瓜嘅關係，食落好似”縮縮地”。同事食得快，侍應小姐見佢一食完，即刻收左佢嘅碗筷，但我只食到一半，當時亦未滿座，真係好耐無遇過咁嘅服務喇！