八月花 (Moved) New Location

好朋友生日，約了出來看戲和晚飯，看過這間的食評感覺幾好，朋友也沒有意見，就些決定了。看完餐牌後，決定了叫一個四人晚餐，食物包括餐酒、潮鹵雙拼、鮮露筍南瓜湯、蔥燒大花蝦、荔芋香蘇鴨、杞子翡翠苗、迷你珍珠雞和莉花脆糖布丁。餐酒- 白酒比紅酒出色，但味道偏淡口，以餐酒來說，也可以接受。潮鹵雙拼- 雙拼係油雞和鹵水鵝，油雞唔新鮮、雞肉偏韌、豉油味又唔夠香、份量又少和鹵水鵝和油雞相差不遠、也是比較普通、鹵水味唔夠出色。鮮露筍南瓜湯- 南瓜味幾夠、又香又好飲、如可以再濃一點就更好了。蔥燒大花蝦- 蝦大大隻，但肉質唔得爽、應該係雪藏蝦、醬汁味道一般。荔芋香蘇鴨- 荔芋味道很香、很好食，可惜鴨肉好韌、又太肥，好在只有四件，每人食一件已經很溜了。杞子翡翠苗- 菜苗很新鮮、又爽口又好味，在這晚來說，已算是出色的了。迷你珍珠雞- 真係好迷你，大口一點，真係可以一口食完、味道幾好，可惜真係少了點。莉花脆糖布丁- 一句講晒、好甜，布丁焗得太硬、食完一半已甜到溜了。本來價錢唔算太貴、但份量實在太細、食完都唔多夠飽；如此計算的話，就唔多底食了。食物水準很普通，好在環境和服務都幾好，樓底又高，坐得都算舒服。